MAZMUR 131:1 - Tanou Moonsoi Timugon

¹ Rimbai ru ratangan ri Daut. Iou Tuhan, kalo minsawat guang kuno, kalo malilimbau aku. Kalo gogoton ku baal-baal ra kalo makangkou, kapoam ondo' mapagon kaga' raki'.

MAZMUR 131:1 ပူးပေါင်းရင်းမြစ်များ

AYUP 42:3

Mangkuot Kou ra sasaban kuno ra baani pagantangan guang ra kapintaran Muno, alika kolondo' atan pana napandayan kuno. Mindagu aku intor ra baal ondo' kalo naratian kuno, intor ra baal-baal ondo' makaimuag kaga' raki' ti.

MAZMUR 101:5

Ulun manimbaal ra kalinuos ayuk pusoon ku; ulun ondo' malilimbau am masawat guang kalo polosoon ku koson raginio.

MAZMUR 122:1

Rimbai ru ratangan ri Daut. Maansukan aku amon ulun mindagu raki', “Ibok no ongoi takau ra baloi ru Tuhan.”

MAZMUR 124:1

Rimbai ru ratangan ri Daut. Ati kulaan amon ru Tuhan no kalo mangindangan ritakau? Taamo', akau Israil!

MAZMUR 133:1

Rimbai ru ratangan ri Daut. Mapara' piboo bonsoi am kinatasu' no, amon ru ulun ri Aki Kapuuno' mogogondo' guang!

MAZMUR 139:6

Malandom toojo napandayan Muno ra inan kuno; kalo makangkou ru pangkaraan kuno.

AMSAL 21:4

Ulun malaat makatula sabap ra kinuasa' ru limbau ru guang am mamanggo.

JIRIMIA 17:16

Kaa' iou Tuhan, kalo igondo' aku nampajajal Rirun koson mamparatong ra karaat risilo. Aku kalo niayuk nompogogot ra kapaganan lumampa' risilo. Nakapandai Kou ra baal raginio, iou Tuhan. Nakapandai Kou ra atan ondo' raguon kuno.

JIRIMIA 45:5

Gumogot kou kia luntukin ra moonsoi? Pai', sabap ra porotongon Ku karaat ra ngaangai' ulun. Kaa' tayar muno, inda' pana, ra ati ayuk angayan muno, maayag kou ayuk. Aku, Tuhan, nakaindagu noyo.”

UNTABAN 12:3

I Musa ti sangulun ondo' minggana' guang, minggana' guang poyo intor ra osoi pana ra tana' ti.

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

RINALATAN 20:19

Mabaya' ra guang minggana' am masuang lomou, nangandoi aku koson ra ulipon ru Tuhan. Kabalu' pana naimbolo' aku ra kalaatan ondo' binaal ru ulun ru Jaudi raki'.

ROMA 11:33

Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano.

ROMA 12:16

Kaayag kano ra rondo' guang ra rondo' am bokon. Pai' pampaguang ra akau ti maatang, kaa' latok kano ra ulun musikin. Pai' pangkara' ra akau ti poyo mapintar.

SAGULION 17:20

Amon mambaal raja' koson raginio, kalo mangkara' io ra io no moonsoi poyo intor ra ulun sabansa' riso, am kalo manggal io ra susuban ru Tuhan. Raja' no pana mamarinta ra Israil ra mabuoi, am papag nano mamarinta ra Israil saboi ra papag ka papag.”

1 TISALONIKA 2:10

Akau no sasi' mai, am koson niayuk i Aki Kapuuno', ra mapasau, mabanis am matanda' paliso mai ramuyun ondo' nangintopot noyo ri Kristus.

1 SAMUIL 16:13

Nangalap i Samuil ra umau jaitun, am nampili' ri Daut no am nangumau ra ulu ri Daut no ra umau giu' ra saang ru ngaangai' maayo ri Daut. Paat raginio niayuk Ambiluo ru Tuhan nanguasa' ri Daut am nabaya' riso intor ra orou raginio. Kopongo raginio minuli' i Samuil giu' ra Rama.

1 SAMUIL 16:18

Nokorongog ra baal raginio indagu sangulun intor ra ulipon ru raja' no, “I Isai, ulun ru Bitligim no mokoondo' sangulun anak ungkuyon ondo' mapandai mangkuli ra miujik. Io niayuk sangulun ondo' baani am saujor ondo' moonsoi. Io ti poyo maindon am mapandai mindagu. Tuhan no mabaya' riso.”

1 SAMUIL 16:22

Raja' Saul pana nangator boo ri Isai ra tanou, “Maansayan aku ri Daut. Iowo' noyo io magulayun ayan ragiti am mangandoi raki'.”

1 SAMUIL 17:15

masalok i Daut mangiruan ra Raja' Saul, am minuli' ra Bitligim koson magalung ra domba ru ama' nano.

1 SAMUIL 18:23

Baal raginio pinasaboi nilo ri Daut, am taam io, “Karaan min kia ra matasu' masauk ra anak mangiwan ru raja'? Aku ti ulun musikin am kalo maatang!”