MAZMUR 128:2 - Tanou Moonsoi Timugon

² Ampos ru bagui muno manumbali ra gogoton muno; maansukan kou am lumangkaya'.

MAZMUR 128:2 ပူးပေါင်းရင်းမြစ်များ

KASAUKAN 3:19

Okou matipatoi mangandoi am rasangon koson mambaal ra tana' ti manangampos saboi sumaguli' kou ra tana' ti sabap intor ra tana' ti okou sinauk. Ginio nai ra okou sinauk intor ra tana' am sumaguli' kou niayuk ra tana'.”

MAZMUR 1:3

Makaampos ilo ra atan ayuk kondoyon; ilo koson ra tatanom ondo' tinanom ra kiing ru sungoi ondo' mangkawa' maya' ra bulintok nano, am raun nano kalo lumonot.

MAZMUR 109:11

Polosoon noyo mansisika' ra utang no mangalap ra rapu' nano, am ampos ru kandoi nano gaawon ru ulun bokon.

MAMPATANOU 8:12

Kabalu' pana ulun makatula' nambaal ra maatus kalaatan, ilo lakat poyo maayag. Nakapandai aku ra ulun mindagu, “Ulun ondo' gumagaya' ri Aki Kapuuno' maayag ra sabubuoi no,

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

JISAYA 62:8

Tuhan nambantu' am nampator, am suguton ginio maya' ra kuasa' Nano. “Gandum mino kalo boo akanon ru pantula' mino, am wain binaal min intor ra kapaganan mino, kalo boo inumon ru ulun bansa' suai.

JISAYA 65:13

Sotopot no, ulun ra sumamba Raki' am gumagaya' Raki' makaalap ra masuang akanon am inumon, kaa' maitilan am paason kau. Maansukan ilo kaa' asabin kau.

JIRIMIA 22:15

Okou ti masauk kia ra raja' ondo' moonsoi poyo, amon ru mambaal kou ra istana ra tataun sidar, saboi moonsoi poyo intor ra istana ru ulun bokon? Ama' muno makasia' ra kaayagan moonsoi. Masalok io matimpok am kalo mampili' ra ulun, am nakasugut io ralalom ru ngaangai' pirot nano.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

IPISUS 6:3

“Maa' raginio moonsoi ayuk kaayagan min am maawar boo umur min ra tana' ti.”

SAGULION 28:11

Tuhan manaak ramuyun ra masuang anak. Bibiag tinambiag min sumuang, am ampos ru tatanom min maulian giu' ra tana' ondo' binantu' ru Tuhan ra kinamatuaan min koson pataakon ramuyun.

SAGULION 28:39

Mantanom kau ra anggur am magalung ra anggur no, kaa' kalo mangupu' kau ra kawa' ru anggur kapoam manginum ra wain, sabap akanon ru ulor puun ru anggur no.

SAGULION 28:4

“Barakatin noyo akau saboi masuang anak min, ampos ru tatanom min maulian am masuang sapi' am niayuk domba min.

SAGULION 28:51

Mangalap ilo ra bibiag tinambiag am ampos ru tatanom min, kaa' matoi kau ra maitilan. Kalo manatang ilo ramuyun ra gandum, wain, umau jaitun, sapi' kapoam domba am matoi kau.

SAGULION 28:8

“Mambarakat Tuhan i Aki Kapuuno' min ra pirot min am mamanu' ra gudang min ra gandum. Mambarakat Io ramuyun giu' ra tana' ondo' taakin Nano ramuyun.