MAZMUR 125:2 - Tanou Moonsoi Timugon

² Koson ra ngaangai' gunung manindung ra Jirusalim, koon niayuk ra Tuhan manindung ra ulun Nano, raino saboi ra sabuoi-buoi no.

MAZMUR 125:2 ပူးပေါင်းရင်းမြစ်များ

2 RAJA'-RAJA' 6:17

I Ilisa pana pakiasi' boo, “Iou Tuhan, poloromo' mato ru ulipon kutu maa' raginio makakito io!” Nangiou Tuhan ra pakiasian nano. Ulipon ri Ilisa no nagilong am nakakito ra bulur no nososok ra kuda am kurita' kuda makaapui giu' ra libung ri Ilisa.

MAZMUR 121:8

Ampinon kau ru Tuhan bulintok ra akau mintor am sumaguli', intor raino saboi ra sabuoi-buoi no.

MAZMUR 34:7

Ulun makakapaganan ti mampiau am Tuhan tumaam, mapalabus Io risilo intor ra nansalinut kapaganan.

JISAYA 4:5

Giu' boo ra rasawat ru Bulur Sion am ngaangai' ulun ondo' timinimung ra giu', Tuhan mampatuun ra gaun bulintok matawang am lisun am niayuk apui ondo' masimbula' bulintok molondom. Katulayan ri Aki Kapuuno' manindung am mangampin ra libung ru bandar no.

SULABOI 4:12

Gino ngai' ru raja'-raja' am mamagun ru tana' ti kolondo' sangulun pana ondo' mangintopot ra kulobon garabang ru Jirusalim nasubol ru pantula'.

JAKARIA 2:5

Tuhan nambantu' ra Io galama' masauk ra timbok ru apui ondo' lumibung ra bandar no koson manindung riso, am mayan Io ra giu' ra ngaangai' ru katulayan Nano.”

SAGULION 33:27

I Aki Kapuuno' ondo' mantilayun masauk ra mangampin ramuyun, am kalindu' Nano manungka' ramuyun. Paat ra akau jumalai, napagiru' Io ra pantula' min, am nanusub ramuyun mamuso risilo ngaangai'.