MAZMUR 125:1 - Tanou Moonsoi Timugon

¹ Rimbai ru ratangan. Ulun ondo' mangintopot ra Tuhan iono koson ra Bulur Sion, ondo' maikang, kalo mauyog ra sabuoi-buoi no.

MAZMUR 125:1 ပူးပေါင်းရင်းမြစ်များ

1 TUNUNG RU BANSA' ISRAIL 5:20

Saujor-saujor no mangintopot ri Aki Kapuuno' am nakiindangan Riso, i Aki Kapuuno' pana nangiou ra kinitaak nilo. Nangani' Io ra kamanangan ra bansa' ru Gagri am paguum nilo ra saujor-saujor no.

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

MAZMUR 120:1

Rimbai ru ratangan. Bulintok ra aku makakapaganan, mampiau aku ra Tuhan, am iowon No pakiasian kuno.

MAZMUR 121:1

Rimbai ru ratangan. Tumingkuang aku tampilon ra gunung; ati kia intor ru pangindangan raki'?

MAZMUR 122:1

Rimbai ru ratangan ri Daut. Maansukan aku amon ulun mindagu raki', “Ibok no ongoi takau ra baloi ru Tuhan.”

MAZMUR 123:1

Rimbai ru ratangan. Mampulolou aku ra suruga', intokon Muno mamarinta; makiasi' aku Rirun, iou Tuhan.

MAZMUR 124:1

Rimbai ru ratangan ri Daut. Ati kulaan amon ru Tuhan no kalo mangindangan ritakau? Taamo', akau Israil!

MAZMUR 147:11

kaa' maansayan Io ra ulun ondo' mangurumat Riso, ulun ondo' malansan toojo ra togom mantilayun Nano.

MAZMUR 20:8

Mokoondo' niayuk ulun malansan ra kurita' kuda nilono, mokoondo' niayuk bokon lumansan ra kuda nilono, kaa' itakau malansan ra kuasa' ru Tuhan, i Aki Kapuuno' takau.

MAZMUR 25:2

Iou Aki Kapuuno' kuno, mangintopot aku Rirun. Pai' aku polosoo' tauyuon; pai' polosoo' pantula' kuno magasab raki'.

MAZMUR 25:8

Sabap ra Tuhan no moonsoi am matimpok, tuluin No ulun nakalayau no ra ralan.

MAZMUR 27:1

Mazmur ri Daut. Tuhan noyo sinda am mamamayag raki'; kalo malaa' aku ra osoi-osoi ayuk pana. Tuhan manindung raki' intor ra nansalinut ondo' makalalaa'; kalo malaa' aku.

MAZMUR 34:22

Ulun ra malaat matoi sabap ra kalaatan nilono; ulun ondo' masisang ra ulun motopot no ukumin.

MAZMUR 46:5

Mokoondo' santaun sungoi ondo' mapabansuk ra bandar ri Aki Kapuuno', intokon ri Aki Kapuuno' Ondo' Masawat Kaga'.

MAZMUR 46:6

I Aki Kapuuno' minayan ra giu' no, bandar ra kalo pusoon; bulintok ra lakat poyo susuab, matong Io mangindangan riso.

MAZMUR 62:2

Kalinuos kuno ayuk maginaa ri Aki Kapuuno'; Io ayuk mamayag raki'.

MAZMUR 62:3

Io ayuk manindung raki' am mamamayag raki'; Io noyo manungka' raki', am kolondo' makapangala raki'.

MAZMUR 62:6

Kalinuos kuno ayuk maginaa ri Aki Kapuuno'; Io ayuk manaak raki' ra kalansanan.

MAZMUR 62:7

Io ayuk manindung raki' am mamamayag raki'; Io noyo manungka' raki' am kolondo' makapangala raki'.

AMSAL 10:25

Ulun malaat mapuso bulintok ra rosob matong, kaa' ulun mabanis guang kalo makulau ra sabuoi-buoi no.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 14:32

Atan kia pataamon takau ra ulun-ulun sinusub ru ulun ru Palistin? Balain takau ra Tuhan noyo napabigor ra Sion, am ulun Nano naimbolo' makaalap ra sindungan ra giu'.

JISAYA 26:3

Okou, Tuhan, mangani' ra pababansayan am kaansukan ra ulun ondo' maikang guang, sabap ra mangintopot ilo Rirun.

JISAYA 26:4

Pangintopot noyo ra Tuhan ra sabuoi-sabuoi no; masalok Io mangampin ritakau.

JISAYA 51:11

Ulun-ulun ondo' pinalabus ru Tuhan pana makauli' sumubol ilo ra Jirusalim ralalom guang maantak liliwa' marimbai. Matakau bulos nilo sabap maansukan sabuoi-buoi no, sabuoi-buoi no ilo nakalabus intor ra kapaganan am mangiluk guang.

JISAYA 51:16

Aku noyo namingkal ra limbowon am napabanta' ra lonor ru tana'. Mindagu aku ra Sion, ‘Akau noyo ulun Kuno; pataakon Ku pangilaan Kuno ramuyun am mangampin ramuyun ra kuasa' Kuno.’ ”

JISAYA 51:8

Mapuso ilo am matatak, koson ra konoon inakan ru kilau am konoon bulu kambing inakan ru anai. Kaa' pamayagan ra pinataak Kuno mantilayun ra sabuoi-buoi no, namanangan Kuno saboi ra papag am papag.”

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

OBAJA 1:21

Ulun ru Jirusalim ondo' nakasugut mamulunsar ra Idom am kuasaan no ginio. Tuhan galama' mamarinta koson ra raja'.”

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

JAKARIA 1:14

am malaikat no pana nanusub raki' mampatanou ra ragu ru Tuhan Ondo' Maayo Kaga' Kuasa', “Motogom Aku kaga' ra bandar Jirusalim am mampalio ra bandar Kuno ondo' matulai no.

JAKARIA 1:17

Nanusub malaikat no raki' nampatanou ra tanou ti niayuk, “Tuhan Ondo' Maayo Kaga' Kuasa' minindagu ra bandar-bandar Nano langkaya' saguli' am igondo' poyo mangindangan Io ra Jirusalim am mangiou riso koson ra longgom Nano galama'.”

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

PINAINTALANG 14:1

Ilai' ku boo, am makito Anak Domba no minigor ra rasawat ru Bulur Sion. Nabaya' Riso no mokoondo' 144,000 ngaulun ondo' rabas nilono tinatanduan ra inggalan Nano am inggalan ru Ama' Nano.