MAZMUR 124:7 - Tanou Moonsoi Timugon

⁷ Itakau koson ayuk ra susuit nalabus ra landak ru sangulun manginginsusuit; landak no linunsai am itakau pana nakalabus!

MAZMUR 124:7 ပူးပေါင်းရင်းမြစ်များ

2 SAMUIL 17:2

Bulunsaron ku io paat ra io lakat poyo maagui am malawo guang. Malaa' io saboi ngaangai' ulun nano magigiru'. Raja' Daut ayuk ondo' potoyon kuno.

MAZMUR 129:4

Kaa' Tuhan ondo' matimpok nampalabus raki' intor ra pangulipanan.”

MAZMUR 25:15

Magail aku malansan ra pangindanganan ru Tuhan, am bayagon No aku intor ra makalalaa' no.

MAZMUR 91:3

Mangampin Io rirun intor ra ngaangai' makalalaa' ondo' nakasibuni, am intor ra ngaangai' salinut ru maruol ra makapatoi.

AMSAL 6:5

Labus no intor ra jajaling no koson ra susuit kapoam paus nakalabus intor ra ulun magagasu.

JIRIMIA 18:22

Polosoon noyo ulun mantakou matong ra baloi nilo ra mamulali', saboi gumolok ilo ra malaa'. Nangkali ilo ra luang maa' raginio maratu' aku ra ralalom no, am nampakaang ilo ra landak koson mamparakop raki'.

JIRIMIA 5:26

Ulun malaat minayan ra gino ngai' ru ulun Kuno. Koson ilo ra ulun ondo' maginaa ra landak pinasaau koson mamparakop ra susuit, sabap ra pinasaau nilo landak koson mamparakop ra ulun.

2 TIMOTIUS 2:26

Koson raginio boo makatutun am makalabus ilo intor ra kuasa' ru tingganai ru riwato no, ondo' namparakop am nampajajal risilo mambaal ra kasagaan nano.

1 SAMUIL 23:28

Ginio sabap ra linanggaan ru Raja' Saul nangilou ri Daut, am ongoi boo pangayou manggal ra ulun ru Palistin. Ginio sabap ra intok raginio ininggalanan ra Bulur Pantuliaran.

1 SAMUIL 25:29

Amon ru mokoondo' sasangulun ondo' mamulunsar rirun am kuminam mamatoi rirun, maaru' Tuhan i Aki Kapuuno' no mangampin rirun koson ra sangulun magalung ra rapu' nano ondo' mologo kaga'. Kaa' pantula' muno papatiron ru Tuhan ra maalur, koson ra batu ondo' pinobobol ra lasitik.