MAZMUR 122:5 - Tanou Moonsoi Timugon

⁵ Ra giti noyo ngaangai' raja' ru Israil namarinta ra ulun ra matimpok.

MAZMUR 122:5 ပူးပေါင်းရင်းမြစ်များ

1 RAJA'-RAJA' 7:7

Mokoondo' poyo dewan ondo' sabiton ra Dewan Takhta, ondo' niayuk sabiton ra Dewan Pangakiman. Dewan no inangkupan ra tataun sidar, intor ra sulig saboi ra tataun bandayan no.

2 TUNUNG RU BANSA' ISRAIL 11:22

Intor ra ngaangai' anak ungkuyon am ruandu' nano, i Abia anak ungkuyon ri Maakga ondo' tagamin nano kaga'. Pinili' ru Raja' Rigabiam i Abia koson malit riso koson ra raja' ra tauli no.

2 TUNUNG RU BANSA' ISRAIL 19:8

Giu' ra Jirusalim, Raja' Josapat nampalantik ra ulun ru Liwi, imam-imam, am kukula' ngaulun tingganai ru mamagun koson ra akim, koson manalingapu ra baal-baal ondo' makakulawit ra manggal ra Ukum ru Tuhan am manggal ra kaulayan ru mamagun ru bandar no.

SAGULION 17:18

Paat io potonowon masauk ra raja', musiti' io aniin rondo' kitab ru ukum ri Aki Kapuuno' ondo' pinaralin intor ra kitab kopoyo ondo' binulian ru imam-imam bansa' ru Liwi.

SAGULION 17:8

Maaru' mokoondo' kukula' baal ra mompolonggom, kapilatan, kapoam intor ra baal pamatayan ra siningon, kapoam kalo siningon ondo' mapagon kaga' akimin ru akim rondo' intok. Paat ra mokoondo' baal koson raginio, kataki' noyo mongoi ra rondo' intok sambayangan ondo' pinili' ru Tuhan i Aki Kapuuno' min.