MAZMUR 121:7 - Tanou Moonsoi Timugon

⁷ Tuhan mangampin ramuyun intor ra nansalinut makalalaa'; magalung Io ramuyun maa' raginio maayag kau.

MAZMUR 121:7 ပူးပေါင်းရင်းမြစ်များ

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

1 TUNUNG RU BANSA' ISRAIL 4:10

Kaa' nakiasi' i Jabis ri Aki Kapuuno' ru ulun ru Israil, kono, “Iou Aki Kapuuno', barakato' aku no, am anii' aku ra tana' ondo' malangka'. Bayaa' aku no am painggaluro' aku no intor ra kalaatan ondo' mangkinibit ra aku marualan.” I Aki Kapuuno' pana nangiou boo ra kinitaak nano.

MAZMUR 145:20

Ampinin No ngaangai' ulun ondo' motogom Riso, kaa' pusoon No ulun ra malaat.

MAZMUR 34:22

Ulun ra malaat matoi sabap ra kalaatan nilono; ulun ondo' masisang ra ulun motopot no ukumin.

MAZMUR 41:2

Pakaansuk noyo ulun ondo' makaasi' risilo ondo' kolondo' lulu'; indanganon ilo ru Tuhan, paat ra ilo mokoowot ra kapaganan.

MAZMUR 97:10

Motogom Tuhan ra ulun ondo' masisang ra kalaatan; sindungin No kaayagan ru ulun Nano, am mamayag risilo intor ra kuasa' ru ulun malaat.

AMSAL 12:21

Ulun moonsoi kalo malumpa' ru karaat, kaa' ulun malaat masalok malumpa' ru kapaganan.

UNTABAN 6:24

Gama' ru mambarakat am magalung Tuhan ramuyun.

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

2 TIMOTIUS 4:18

Mampainggalur niayuk Tuhan raki' ra moonong kalaatan am magibit Io raki' ra pamarintaan Nano ra suruga' mabaya' ra kaansukan. Katulayon Io ayuk suku' ra sabuoi-buoi no! Amin.