MAZMUR 12:6 - Tanou Moonsoi Timugon

⁶ Indagu Tuhan, “Ulun musikin impayin, am ulun inimbolo' mampalaa. Raino niayuk Aku matong mapalinos maya' ra kasagaan nilono.”

MAZMUR 12:6 ပူးပေါင်းရင်းမြစ်များ

2 SAMUIL 22:31

Mapara' kinaindon ru binaal ri Aki Kapuuno' ti, ragu ru Tuhan maintopot. Io koson ra perisai ra tayar ru ngaangai' ulun ondo' sumindung Riso.

AYUP 20:19

sabap ra nangimbolo' ilo am nompoloso ra ulun musikin, am nampagaau ra baloi ondo' binaal ru ulun bokon.

AYUP 28:1

Mokoondo' lombong-lombong intok natuuman ra pirok, mokoondo' intok-intok pamasawan ra mas.

MAZMUR 119:140

Bantu' Muno mapiot maalap intopoton, motogom aku kaga' raginio.

MAZMUR 18:30

Manaak Kou raki' ra kaikangan koson mapakala ra pantula' kuno; am kuasa' ondo' kalo maanggal ru pantula'.

MAZMUR 19:8

Ukum ru Tuhan no naukop toojo, mampaligag ra salibuor. Panusuban ru Tuhan no maintopot, manaak ra kapandayan ra ulun ondo' mompogogot no.

MAZMUR 66:10

Iou Aki Kapuuno', nangkinam Kou ramon, koson ra pirok inisasan ra apui.

MAZMUR 76:10

bulintok ra Okou mingkakat no maparatu' ra ukuman, koson mamayag ra ngaangai' ulun ondo' inimbolo' ra tana' ti.

MAZMUR 9:13

Mangkara' i Aki Kapuuno' risilo ondo' naimbolo'; kalo malilianan No tangi' nilono, ukumin No ulun ondo' mangimbolo' risilo no.

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

KAINGKUALAN 6:1

Indagu Tuhan ri Musa, “Raino makakito kou ra atan ondo' baalon Kuno ra raja' ru Misir. Jajalin Ku io mapaugar ra ulun Kuno. Sotopot no mampajajal Aku riso mapagiru' risilo mingkual intor ra pagun nano.”

AMSAL 22:23

Saungon ilo ru Tuhan, am butuson painawo ru ulun mangimpai risilo.

AMSAL 30:5

Sinugut ri Aki Kapuuno' ngaangai' bantu' Nano. Io koson ra gagampin ru ngaangai' ulun ondo' makiampin Riso.

JISAYA 14:22

Mindagu Tuhan Ondo' Maayo Kaga' Kuasa', “Owoyon am pusoon Ku Babil. Kalo polosoon Ku atan-atan pana maayag, io pana lalaing kapoam osoi-osoi ayuk. Aku, Tuhan minindagu noyo.

JISAYA 33:10

Tuhan mindagu ra bansa'-bansa' no, “Ragino mimbuor Aku. Patalangon Ku kinaayo ru kuasa' Kuno.