MAZMUR 119:96 - Tanou Moonsoi Timugon

⁹⁶ Natutunan ku noyo ngaangai' no mokoondo' ra balit; kaa' panusuban Muno ayuk matimpok.

MAZMUR 119:96 ပူးပေါင်းရင်းမြစ်များ

2 SAMUIL 14:25

Inompor i Absalom koson ra ulun ondo' maindon kaga' ra titikop ru Israil. Kolondo' sangulun pana ondo' maindon poyo intor riso. Intor ra pampalar ru kalayam saboi ra pompor ru abuk nano, kolondo' pipilat nano.

2 SAMUIL 16:23

Paat raginio moonong bilin ri Agitopil inapu toojo, koson ayuk ra ngaangai' no ragu ri Aki Kapuuno' galama'; ra Raja' Daut am niayuk i Absalom manugut ra bilin ri Agitopil.

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

2 SAMUIL 18:14

Indagu i Joab, “Sama' noyo! Kolondo' onong mindagu rirun.” Kopongo raginio pangalap i Joab ra talu ngantaun tutura' am potoboko' ra kubab ri Absalom. Paat raginio lakat poyo i Absalom naayag am nakatair ra puun ru oak.

2 SAMUIL 18:17

Kopongo raginio alapo' nilo baangkai ri Absalom am papatiro' ra ralalom ru tulubong ondo' malandom giu' ra kataunan. Pinumpunan nilo tulubong no ra batu saboi masawat. Ngaangai' ulun ru Israil nagiru', am uli' ra baloi ru sigagama'.

MAMPATANOU 12:8

Ngaangai' no kolondo' onong, kon ri Ulun Mangkara'.

MAMPATANOU 2:11

Kopongo raginio karaan kuno ra ngaangai' ondo' binaal kuli, am mapara' boo kinaikang kuno nambaal raginio. Nalimanan ku boo ra ngaangai' kolondo' arati' nano. Binaal kuno kolondo' onong koson mangilou ra angin.

MAMPATANOU 7:20

Ra tana' ti kolondo' sangulun pana ondo' masalok mambaal ra moonsoi am kalo igondo' nambaal ra kalaatan.

MATIUS 24:35

Limbowon am tana' ti mapuso, kaa' ragu Kutu mantilayun.”

MATIUS 5:18

Karaa' min! Buoi ru limbowon am tana' ti lakat ayuk poyo soroi kolondo' rondo' pana ralalom ru Ukum ri Musa ti pusoon amon ru ngaangai' no kalo poyo nasauk.

MATIUS 5:28

Kaa' raino ti balain takamin: Osoi ayuk pana monontong ra ruandu' am makaguang io, ulun raginio liminapau noyo ra ruandu' no ralalom guang nano.

ROMA 7:14

Makapandai takau noyo ra Ukum ri Musa no intor ra Ambiluo ri Aki Kapuuno', kaa' aku ti ulun ayuk ondo' inulipon ru tula.

1 SAMUIL 17:8

Minigor i Goliat am pompogolok ra ulun ru Israil, “Atan kia tatanga' min baalon ra giu' no? Makimangayou kau kia? Aku ti ulun ru Palistin, akau ulipon ru Raja' Saul! Pilio' noyo sangulun ra akau ngai' no koson gumula' raki'.

1 SAMUIL 9:2

I Kis ti mokoondo' ra sangulun anak ungkuyon makainggalan ri Saul, sangulun buayoi ondo' maindon am mapanggol. Maindon poyo i Saul intor ra ngaangai' ru ulun giu' ra Israil am niayuk masawat poyo; kasuangan no ulun ru Israil ra bokon no polos ayuk ra limbawo ri Saul.