MAZMUR 119:91 - Tanou Moonsoi Timugon

⁹¹ Ngaangai' ti lakat soroi raino, sabap ra panusuban Muno, sabap ra ngaangai' no ulipon Muno.

MAZMUR 119:91 ပူးပေါင်းရင်းမြစ်များ

KASAUKAN 8:22

Buoi ru tana' ti soroi, masalok makamantanom, makamangkumos, bulintok masimu', bulintok malasu', bulintok tampio, bulintok rumasam, matawang am molondom.”

JISAYA 40:26

Tingaano' noyo limbowon am urioo'! Osoi kia namangun ra ngaangai' butitin? Io noyo nanusub ra butitin mingkual koson ra pulalai ru saujor, mapandayan No kula' suang, am mampiau ra inggalan ru moonong butitin! Kuasa' Nano maayo kaga' – kolondo' rondo' butitin pana matatak!

JISAYA 48:13

Kalindu' Kuno mapabanta' ra sonor ru tana', am mamingkal ra limbowon. Bulintok ra Aku manusub ra limbowon am tana' muma', karuruo no mataki' matong.

JIRIMIA 33:25

Kaa' Aku, Tuhan, mokoondo' ra nabantuan ra matawang am rondom, am nambaal Aku ra ukum ondo' manguasa' ra limbowon am tana' ti.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

MATIUS 8:9

Sabap ra aku pana galama' gumagaya' poyo ra susuban ru masawat intor raki'. Mokoondo' aku ra saujor susubon kuno. Amon ru manusub aku ra sangulun saujor, ‘Ugar!’ Io pana mugar. Amon ru mindagu aku ra ulun bokon ‘Ibok!’ Io pana matong. Amon ru manusub aku ra ulipon kuno, ‘Baalo' gitio!’ Io pana gumagaya'.”

SAGULION 4:19

Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.

TINGGANAI RU BANSA' 5:20

Intor ra intok insiran ru butitin giu' ra limbowon, butitin niayuk nangayou manggal ri Sisira.