MAZMUR 119:89 - Tanou Moonsoi Timugon

⁸⁹ Iou Tuhan, bala' Muno mantilayun ra sabuoi-buoi no; bala' Muno mantilayun giu' ra suruga'.

MAZMUR 119:89 ပူးပေါင်းရင်းမြစ်များ

MAZMUR 111:7

Tuhan matimpok am mampagagaya' ra atan ondo' baalon Nano; nansalinut panusuban Nano maintopot.

MAZMUR 111:8

Panusuban Nano kalo makulau; pataakon No parinta Nano ra sotopot-topot am matimpok.

MAZMUR 119:152

Intor ra galing i mapandayan ku pangilaan Muno, ondo' patilayunon Mu ra sabuoi-buoi no.

MAZMUR 119:160

Ngaangai' bala' Muno motopot, am nansalinut ukum Muno ra matimpok mantilayun ra sabuoi-buoi no.

MAZMUR 89:2

Iou Tuhan, kalo langgain ku marimbai ra togom Muno ra mantilayun; potonowon ku gagaya' Muno ra sabuoi-buoi no.

JISAYA 40:8

Sakot masauk kumolop am bunga' pana lumonot, kaa' ragu ri Aki kapuuno' takau mantilayun ra sabuoi-buoi no.”

MATIUS 5:18

Karaa' min! Buoi ru limbowon am tana' ti lakat ayuk poyo soroi kolondo' rondo' pana ralalom ru Ukum ri Musa ti pusoon amon ru ngaangai' no kalo poyo nasauk.

1 PITRUS 1:25

kaa' bala' ru Tuhan kalo makulau am mantilayun.” Bala' ragitio noyo Tanou Moonsoi ondo' pinasaboi mai ramuyun.

2 PITRUS 3:13

Kaa' itakau ti maginaa ra atan ondo' binantu' noyo ri Aki Kapuuno'; ioginio limbowon am tana' bagu, ayanan ru ulun mongotopot.