MAZMUR 119:86 - Tanou Moonsoi Timugon

⁸⁶ Ngaangai' panusuban Muno maintopot; indangano' aku no sabap ra ulun mangimbolo' am manimbaal raki'!

MAZMUR 119:86 ပူးပေါင်းရင်းမြစ်များ

MAZMUR 70:5

Gama' ru ngaangai' ulun matong Rirun no maansukan am marikamo. Gama' ru ngaangai' ulun maringkuanang sabap ra pamayagan Muno masalok mindagu ra, “Mapara' boo kinatulai ri Aki Kapuuno'!”

MAZMUR 35:19

Pai' polosoo' pantula' ra maabau-abau no, ondo' magasab ra naalaan kuno! Pai' polosoo' ulun ondo' masisang raki' ra kolondo' sasaban, maansukan ra kangilukan kuno!

MAZMUR 119:78

Polosoon noyo ulun malilimbau tauyuon sabap ra manimbaal ilo raki', kaa' imansain ku panusuban Muno.

MAZMUR 109:26

Iou Tuhan, i Aki Kapuuno' Kuno, indangano' aku no; bayago' aku no sabap ra togom Muno.

MAZMUR 35:7

Kolondo' naayatan ra mantaan ilo ra jajaling koson pamparakop raki' am mangkali ilo ra luang malandom koson pamparakop raki'.

ROMA 7:12

Ginio ra Ukum ri Musa no intor ri Aki Kapuuno' am moonong susuban Nano mabanis am moonsoi.

MAZMUR 119:151

Kaa' Okou mamaar raki', iou Tuhan, am ngaangai' panusuban Muno motopot.

MAZMUR 119:138

Panusuban ra pinataak Muno ngaangai' no matimpok am motopot.

MAZMUR 119:128

Sabap raginio maya' aku ra nansalinut panusuban Muno; masisang aku ra baal ra kalo matanda'.

JIRIMIA 18:20

Motopot kia ra moonsoi balasin ra malaat? Kaa' nangkali ilo ra luang maa' raginio maratu' aku ra ralalom no. Karaa' noyo ra sinaung ku ilo ra saang Muno, maa' raginio kalo sangitin Mu ilo.

MAZMUR 119:142

Katimpakan Muno mantilayun ra sabuoi-buoi no, am Ukum Muno motopot.

MAZMUR 19:9

Ukum ru Tuhan no motopot, mapabansuk ra guang. Panusuban ru Tuhan no matimpok, manaak ra pangaratian ra ulun.

MAZMUR 143:9

Matong aku makisindung Rirun, iou Tuhan, bayago' aku intor ra pantula' kuno.

MAZMUR 38:19

Iowon ku tula kuno; magalabo guang kuno ra nasalaan kuno.