MAZMUR 119:53 - Tanou Moonsoi Timugon

⁵³ Sumangit aku toojo ra ulun malaat bulintok ra ilo manggal ra Ukum Muno.

MAZMUR 119:53 ပူးပေါင်းရင်းမြစ်များ

IJRA 10:6

Kopongo ilo nagibot, minongoi i Ijra intor ra tampilon ra saang ru Baloi ru Tuhan minongoi ra intok inayanan ri Joganan anak ri Ilyasib. Nombolong i Ijra ra giu' no ra rondom am mangiluk guang sabap ra mangkara' ra kolondo' gagaya' ru ulun intor ra pamatiran no. Kalo nangakan kapoam nanginum io ra atan pana.

IJRA 9:14

Ginio ra, ati kulaan lair akai mompoloso poyo ra susuban Muno, am nagagandu' ra ulun ondo' malaat no? Amon baalon mai ginio, maaru' sumangit Kou am mamuso ramon ra malingon, saboi kolondo' sangulun pana maayag.

IJRA 9:3

Pokorongog aku ra baal raginio, rinilak ku bayang sabap ra mangiluk toojo guang. Kinaur ku abuk am jangut, am panturung ra guang natutuk.

NIGIMIA 13:25

Nansawai aku ra bala ru ungkuyon no am nagulas risilo. Linamba' ku ilo am namubul ra abuk nilo. Aku pana nanusub boo risilo nagibot ralalom inggalan ri Aki Kapuuno' ra totopot ilo kapoam anak-anak nilo kalo boo magandu' ra ulun bansa' ra bokon.

NIGIMIA 5:6

Pokorongog aku ra butok nilono, siminangit aku kaga'

MAZMUR 119:136

Lomou kuno tumulisan koson ra sungoi, sabap ra ulun kalo gumagaya' ra Ukum Muno.

MAZMUR 119:158

Masisang aku magilong ra ulun-ulun mangalaat no, sabap ra kalo gumagaya' ilo ra panusuban Muno.

MAZMUR 89:30

Sangulun ra sayat nano manguasa', am pamarintaan nano mapiot koson ra limbowon.

JIRIMIA 13:17

Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

2 KORINTUS 12:21

Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.

PILIPI 3:18

Sabap ra koson masalok aku no nakapambala' ramuyun am raino sagulion ku poyo mabaya' ra tangi', ra mokoondo' masuang niayuk ulun mansang ra pangilaan ra i Kristus minatoi ra salip.