MAZMUR 119:50 - Tanou Moonsoi Timugon

⁵⁰ Kabalu' pana naimbolo' aku kaa' maansukan aku, sabap ra bantu' Muno namayag raki'.

MAZMUR 119:50 ပူးပေါင်းရင်းမြစ်များ

ROMA 15:4

Ngaangai' ondo' tinulisan ra Buuk Kitab makapangila' ritakau, am pangilaan raginio mampaikang ra guang takau am mangani' ra guang mataan saboi makakalansanan takau ri Aki Kapuuno'.

JUANIS 6:63

Ambiluo ri Aki Kapuuno' noyo mangani' ra ulun ra kaayagan, kuasa' ru ulun kalo makapambaal raginio. Ragu Kutu intor ra Ambiluo ri Aki Kapuuno' ondo' mampakaayag ramuyun.

MAZMUR 94:19

Bulintok ra aku magalabo am maimamang, makimaganja' am mapabansuk Kou ra guang kuno.

MAZMUR 28:7

Tuhan no manindung am manungka' raki'; mangintopot aku Riso. Mangindangan Io raki' am mapabansuk ra guang kuno; omporon ku Io ra rimbai paringkuanangan.

MAZMUR 42:11

Mangiluk aku kaga' mangkirongog ra ilo magasab. Magail ilo mangkuot, “Ati kia i Aki Kapuuno' muli?”

JIRIMIA 15:16

Minindagu Kou raki', am norongog ku moonong ragu Muno. Aku longgom Muno, iou Tuhan i Aki Kapuuno' Ondo' Maayo Kaga' Kuasa'; ginio ra ragu Muno nangani' ra kaansukan am kaansayan raki'.

MAZMUR 27:13

Malansan aku ra matutunan ku kinoonsoi ru Tuhan ralalom kaayagan ku ra tana' ti.

MAZMUR 119:25

Nakaraluui aku ra kaau; patapulio' noyo bayag kuno sumugut ra bantu' Muno.

YEHEZKIEL 37:10

Aku pana mindagu ra ragu manala' koson ra nanusuban raki'. Angin pana nanampui ra painawo ra ralalom ru inan-inan no saboi inan-inan no maayag am minigor. Masuang ilo kaga', maukop mambaal ra rondo' pulalai ru saujor ondo' maayo.

1 PITRUS 2:2

Mogondo' ra sangulun lalagang ondo' kakaanak ra masalok maguyum ayuk ra gatas, akau pana musiti' masalok maguyum ayuk ondo' mampaikang ra pangintapatan min. Maa' raginio mapiot pangintapatan min am bayagon kau.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.

MAZMUR 119:38

Intopoto' bantu' Muno raki', ulipon Muti, bantu' ra pinataak Muno ra ulun ondo' gumagaya' Rirun.

MAZMUR 119:41

Iou Tuhan, patalango' noyo togom Muno raki', bayago' aku no sumugut ra bantu' Muno.

MAZMUR 119:92

Amon ru Ukum Muno kalo makapamansuk raki', maaru' matoi aku noyo intor ra imbolo' kuno.

MAZMUR 138:7

Bulintok ra aku natiu' ra kapaganan, alungin Mu aku; anggalon Mu pantula' kuno ondo' malaat, am bayagon Mu aku ra kuasa' Muno.