MAZMUR 119:45 - Tanou Moonsoi Timugon

⁴⁵ Kaayagan kuno pana matanda', sabap ra gumogot sumugut ra pangilaan Muno.

MAZMUR 119:45 ပူးပေါင်းရင်းမြစ်များ

MAZMUR 119:133

Sumugut ra bantu' Muli, paikango' aku no; pai' polosoo' kalaatan no manguasa' raki'.

JAKUBUS 1:25

Ukum ri Aki Kapuuno' motopot am poyo makakuasa' mampalabus ra ulun. Am ulun ondo' masalok migigila' am manginsugut toojo ra ukum Nano, arati' no, sala' ka mangkirongog ayuk am lilianin boo, io no barakaton ri Aki Kapuuno' ralalom ru ngaangai' ondo' baalon nano.

AMSAL 4:12

Amon ru maayag kou koson raginio, kolondo' mokoompong rirun bulintok ra okou mangkiralan, am kalo makasaru kou bulintok ra okou masimbul.

MAZMUR 119:94

Bayago' aku no sabap ra aku longgom Muno; pinirot ku noyo gumagaya' ra panusuban Muno.

JUANIS 5:39

Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

2 PITRUS 2:19

Ulun-ulun migigiangku ra mangingila' no mambantu' ra ulun-ulun no ra ralan kalabusan, kaa' ilo galama' inulipon noyo ru kinibit malaat ondo' mamuso risilo ra tauli no. Sabap ra osoi ayuk kuasaan ru atan ayuk pana kalaatan, ulipon io niayuk ru ginio.

JAKUBUS 2:12

Polosoo' noyo ngaangai' ondo' raguon am baalon mino sumugut ra panusuban ri Aki Kapuuno' ondo' makapampalabus ra ulun.

IPISUS 5:17

Ginio ra pai' kau noyo bungas, kaa' uyumo' min noyo atan ondo' kasagaan ru Tuhan.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

MAMPATANOU 1:13

Gumogot aku koson migigila' toojo am mintutun ra atan ayuk binaal ralalom ru tana' ti. Kaayagan ondo' inaru' ri Aki Kapuuno' ra tayar ru ulun ra tana' ti makangiluk kaga'.

AMSAL 18:1

Ulun ondo' tumuliar intor ra ulun ra bokon iono mangkara' ayuk ra inan nano galama'; guangon moonsoi ru ulun ra bokon kalo rongogon nilo.

MAZMUR 119:162

Bantu' Muno mapabansuk raki', koson ra ulun nakajampa' ra rapu'.

MAZMUR 119:148

Masuaban aku kalo mokororot, sabap ra mangkara' ra pangilaan Muno.

MAZMUR 119:19

Sangkinolor ayuk aku mayan ra tana' ti; pai' noyo sibunio' ukum Muno raki'.

MAZMUR 119:71

Moonsoi noyo ra Okou mangukum raki', maa' raginio makarati' aku ra panusuban Muno.

MAZMUR 119:32

Maansayan aku gumagaya' ra panusuban Muno, sabap ra sinauk Mu aku makarati' toojo.