MAZMUR 119:43 - Tanou Moonsoi Timugon

⁴³ Indangano' aku masalok mindagu ra motopot, sabap ra malansan aku ra namalantasan Muno.

MAZMUR 119:43 ပူးပေါင်းရင်းမြစ်များ

MAZMUR 9:4

Paat ra Okou papulusat matong, pantula' kuno liminukiat; nakasaru ilo ra naratu' am minatoi.

1 PITRUS 2:23

Paat ra Io inasaban, kalo niayuk nambalos Io pagasab. Paat ra Io sinindualan, kalo noyo nompololob Io risilo. Kaa' liminansan Io ayuk ri Aki Kapuuno', Akim ondo' mabanis guang no.

IPISUS 1:13

Akau niayuk nasauk noyo ra ulun ri Aki Kapuuno' paat ra akau nokorongog ra tanou ondo' motopot no, ioginio Tanou Moonsoi ondo' nagibit ra pamayagan. Nangintopot kau Riso am tinatanduan kano ri Aki Kapuuno' ra inanian kau ra Ambiluo Nano ondo' binantu' no.

MAZMUR 119:175

Gama' maayag aku maa' raginio mokopongompor aku Rirun; gama' nangatangan Muno mangindangan raki'.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.

MAZMUR 119:52

Makara' ku panusuban inatang Muno intor poyo ra galing i, am panusuban inatang Muno makabansuk ra guang kuno, iou Tuhan.

MAZMUR 119:13

Tunungon ku ngaangai' ukum ra pinataak Muli.

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 50:16

Kaa' i Aki Kapuuno' mindagu ra ulun malaat, “Kolondo' kuasa' min mindagu ra ukum Kuno am mangatang ra pansusunuran ra nabantuan Kuno,

MAZMUR 43:1

Iou Aki Kapuuno', paintalango' noyo ra aku kolondo' sala, sungkaa' aku tumingkuang ra bansa' ondo' nausung; painggaluro' aku intor ra ulun mangalaat am ulun maabau-abau.

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

JISAYA 59:21

Mambaal Aku ra nabantuan ramuyun: Aniin Takamin ra kuasa' Kuno am pangilaan Kuno ra sabuoi-buoi no. Ilaa' noyo anak-anak mino maa' raginio ilo pana makapangila' raginio saboi papag ka pagag ragino am saboi ra sabuoi-buoi no.”

MAZMUR 119:74

Ulun ra mangurumat Rirun no maansukan bulintok ra io magilong raki', sabap ra mangintopot aku ra bantu' Muno.

MAZMUR 119:81

Iou Tuhan, noondom aku no kaga' ra pamayagan Muno; mangintopot aku ra bantu' Muno.

MAZMUR 119:114

Okou noyo manungka' am manindung raki'; malansan aku ra bantu' Muno.

MAZMUR 119:147

Bulintok tumawang mampiau aku makiindangan Rirun, malansan aku ra bantu' Muno.