MAZMUR 119:40 - Tanou Moonsoi Timugon

⁴⁰ Gagayaan ku panusuban Muno; anii' aku no ra kaayagan bagu sabap ra Okou noyo matimpok.

MAZMUR 119:40 ပူးပေါင်းရင်းမြစ်များ

MAZMUR 119:107

Naimbolo' aku kaga', iou Tuhan; bayago' noyo painawo kuno sumugut ra bantu' Muno.

MAZMUR 119:149

Ralalom ru togom Muno ra mantilayun, iou Tuhan, rongogo' aku no; pakaasi' noyo raki' am bayago' aku no.

MAZMUR 119:156

Asi' Muno maayo, iou Tuhan; pakaasi' no raki' am bayago' aku no.

MAZMUR 119:159

Ilai' noyo, tagamin ku toojo panusuban Muno, iou Tuhan. Bayago' aku no, sabap ra togom Muno.

MAZMUR 119:20

Moondom kaga' guang kuno koson mampaguang ra panusuban Muno ra moonong bulintok.

MAZMUR 119:25

Nakaraluui aku ra kaau; patapulio' noyo bayag kuno sumugut ra bantu' Muno.

MAZMUR 119:37

Pai' aku polosoo' mampaguang ra kandoi-kandoi ra kolondo' onong; anii' aku ra bayag sumugut ra kasagaan Muno.

MAZMUR 119:5

Gama' gagayaan ku sumugut ra nangatangan Muno.

MAZMUR 119:88

Gama' ru tagamin Mu aku sabap ra togom Muno mantilayun, maa' raginio magagaya' ku ukum Muno.

MATIUS 26:41

Ilalai' min am pakiasi' kau koson kalo maratu' kau ra pangkinaman. Sotopot no, ambiluo mino masaga' mambaal ra motopot kaa' kalo magagaya' min sabap ra paliso ru ulun malawo.”

MARKUS 9:24

Golok boo ama' ru lalaing no, “Tuhan, mangintopot aku kaa' indangano' aku koson mangintopot aku poyo toojo!”

JUANIS 10:10

Mantatakou matong mongoi pantakou, mamatoi am mampalunsai. Kaa' aku minatong koson ilo ondo' mangkirongog Raki' mokoowot ra kaayagan, io no kaayagan ondo' malabaan.

JUANIS 5:21

Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.

ROMA 7:24

Koson ragitio kaayagan kutu: Ralalom ru guang kuno masaga' aku gumagaya' ra ukum ri Aki Kapuuno', kaa' paliso kuno ra ulun kinuasa' ru tula. Aku noyo koson ra ulun inibatan! Osoi kia makapamayag raki' intor ra inan ti ondo' mangkinibit raki' ra kapatayan? Paringkuanangan ri Aki Kapuuno'; sabap ra ralalom inggalan ri Jisus Kristus mamayag Io raki'.

1 KORINTUS 15:45

Koson ra tinulisan ra Buuk Kitab, “I Adam noyo ulun kasaa' inangun ra makapainawo”, kaa' i Adam ra pupus no, ioginio Ambiluo ondo' mampakaayag.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

GALATIA 5:17

Sabap ra paliso ru ulun manggal ra Ambiluo ri Aki Kapuuno', am Ambiluo ri Aki Kapuuno' niayuk manggal ra paliso ru ulun. Karuo ruo ti mantula', saboi kalo makapambaal kau ra ondo' sotopot no kasagaan min.

IPISUS 2:5

saboi sabap ri Kristus itakau inanian ra kaayagan bagu. Ragili itakau koson ra minatoi ayuk ra pagilangan Nano sabap ra anggal am tula takau, kaa' raino sabap ra asi' ri Aki Kapuuno' binayag takau noyo.

3 JUANIS 1:2

Pabukat ondo' tagamin kuno, malansan aku ra kalo marualan kou am ra ngaangai' ondo' baalon muno matanda', mogondo' ra pangintapatan muno ondo' maikang.