MAZMUR 119:34 - Tanou Moonsoi Timugon

³⁴ Paratio' toojo raki' Ukum Muno maa' raginio magagaya' ku, am baalon ku ra sotopot-topot ru guang kuno.

MAZMUR 119:34 ပူးပေါင်းရင်းမြစ်များ

1 TUNUNG RU BANSA' ISRAIL 22:12

Gama' ru Tuhan, i Aki Kapuuno' muno mangani' rirun ra pangaratian am kapintaran, maa' raginio makapamarinta kou ra Israil sumugut ra Taurat Nano.

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

MAZMUR 111:10

Mangurumat ra Tuhan iono rondo' ralan mokoowot ra kapandayan; ulun ondo' gumagaya' tuluin No. Omporon noyo Tuhan ra sabuoi-buoi no!

MAZMUR 119:10

Sotopot-topot no gogoton kuno gumagaya' Rirun; pai' aku polosoo' tumalansiang ra panusuban Muno.

MAZMUR 119:100

Mapintar aku poyo ka ulun matutuo, sabap ra panusuban Muno gagayaan ku.

MAZMUR 119:104

Ukum Muno napasauk raki' ra mapintar, ginio ra masisang aku ra ngaangai' paliso malaat.

MAZMUR 119:125

Aku ti ulipon Mu, anii' aku ra pangaratian, maa' raginio maratian ku pangilaan Muno.

MAZMUR 119:130

Bala' ru pangilaan Muno manaak ra sinda, manaak ra karatian ra ulun magayantanga' guang.

MAZMUR 119:144

Inatang Muno masalok matimpok; paratio' aku no maa' raginio maayag aku.

MAZMUR 119:169

Gama' pampiawan kuno makasaboi Rirun, iou Tuhan! Paratio' aku no sumugut ra bantu' Muno.

MAZMUR 119:2

Pakaansuk noyo ilo ondo' sumugut ra panusuban Nano, am gumagaya' Riso ra sotopot-topot no.

MAZMUR 119:58

Makiasi' aku toojo Rirun; pakaasi' noyo raki' sumugut ra bantu' Muno.

MAZMUR 119:66

Anii' aku ra kapintaran am kapandayan, sabap ra mangintopot aku ra panusuban Muno.

MAZMUR 119:69

Ulun malilimbau manimbaal raki', kaa' sotopot-topot ru guang kuno suguton ku panusuban inatang Muno.

MAZMUR 119:73

Okou noyo namangun am napasauk raki'; paratio' aku no mampaguang ra ukum Muno.

MAZMUR 39:2

Mindagu aku, “Ilalain ku ayuk atan ondo' baalon kuno, am kalo mambaal ra tula intor ra rila' kuno. Kolondo' atan-atan raguon kuno buoi ru ulun malaat sumoroi ra kiing kuno.”

MATIUS 5:19

Ginio ra osoi ayuk pana manggal ra Ukum ri Musa kabalu' pana koborok ayuk am koson niayuk raginio mangila' io ra ulun ra bokon, ulun raginio karaan kalo maatang ra gino ngai' ru ulun ri Aki Kapuuno'. Kaa' osoi ayuk pana gumagaya' ra Ukum ri Musa am mangila' ra ulun ra bokon koson raginio, ulun raginio karaan maatang ra gino ngai' ru ulun ri Aki Kapuuno'.

MATIUS 7:24

“Moonong ulun ondo' mangkirongog am gumagaya' ra raguon Kuno, io ti koson ra ulun mapintar ondo' mambaal ra baloi nano ra rasawat ru batu.

JUANIS 7:17

Osoi ayuk masaga' mambaal ra kasagaan ri Aki Kapuuno', makatutun io ati intor ru pangilaan Kutu; intor kia ri Aki Kapuuno' kapoam intor Raki' galama' ayuk.

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

JAKUBUS 1:25

Ukum ri Aki Kapuuno' motopot am poyo makakuasa' mampalabus ra ulun. Am ulun ondo' masalok migigila' am manginsugut toojo ra ukum Nano, arati' no, sala' ka mangkirongog ayuk am lilianin boo, io no barakaton ri Aki Kapuuno' ralalom ru ngaangai' ondo' baalon nano.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JAKUBUS 4:11

Pabukat kau ngai', pai' kano pagasab ra rondo' am bokon. Osoi ayuk magasab kapoam mangukum ra pabukat nano ra Kristian, sotopot no magasab kapoam mangukum io ra Ukum ri Aki Kapuuno'. Am amon ru Ukum ti salaan no poyo, arati' no kalo boo suguton no io, kaa' Ukum salaan no boo.