MAZMUR 119:3 - Tanou Moonsoi Timugon

³ Kalo mambaal ilo ra kalaatan, kaa kaayagan nilo maya' ra kasagaan ru Tuhan.

MAZMUR 119:3 ပူးပေါင်းရင်းမြစ်များ

AYUP 36:11

Amon kalo gumagaya' kau ri Aki Kapuuno' am mangandoi ayuk Riso, maayag ilo ra moonsoi am langkaya' saboi ra pupus ru kaayagan nilo.

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

YEHEZKIEL 18:17

Kalo masaga' io mambaal ra kalaatan am kalo makitaak ra bunga' paat mampaira' ra ruit. Sumugut io ra susuban Kuno am gumagaya' ra ukum Kuno. Ulun no kalo matoi sabap ra tula ru ama' nano, kaa' maaru' maayag io.

1 JUANIS 3:9

Ulun ondo' nasauk ra anak ri Aki Kapuuno' kalo marayus mambaal ra tula. Paliso ri Aki Kapuuno' soroi riso am ginio ra io ti kalo marayus mambaal ra tula.

1 JUANIS 5:18

Nakapandai takau ra ngaangai' ulun ondo' nasauk ra anak ri Aki Kapuuno' kalo marayus mambaal ra tula, sabap ra Anak ri Aki Kapuuno' mangampin riso am Tingganai ru riwato no kalo makaguut riso.