MAZMUR 119:28 - Tanou Moonsoi Timugon

²⁸ Sabap ra kapaganan, nagagai saliguor kuno; paikango' aku sumugut ra bantu' Muno.

MAZMUR 119:28 ပူးပေါင်းရင်းမြစ်များ

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

MAZMUR 22:14

Gaalon nilo kabang koson ra singa', mansangal am manungaap raki'.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

MAZMUR 27:14

Pagiimansan kano ra Tuhan! Pangintopot kano Riso am pai' kalawo. Iou, pagiimansan kano ra Tuhan!

JAKARIA 10:12

Kaikangon Ku ulun Kuno; sumambayang ilo am gumagaya' Raki'.” Tuhan nakaindagu noyo.

JISAYA 40:29

Paikangon No ulun ra lamumu', am manaak ra kaikangan ru ulun ondo' lamuoi.

MAZMUR 107:26

Ngaangai' kapal nakasimpor ra limbowon, am naratu' ra lonor ru raat; ulun mangalaa' makatingkuang ra babaal makalalaa' koson raginio.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

IPISUS 3:16

Makiasi' aku Riso, ra intor ra kalangkayaan ru barakat Nano, mangani' Io ramuyun ra Ambiluo Nano, koson mampaikang ra guang mino,

JOSUA 2:24

Indagu ilo boo, “Mangintopot akai ra manaak Tuhan ritakau ra titikop ru pagun no. Ngaangai' mamagun ru pagun no malaa' ritakau.”

JOSUA 2:11

Nangalaa' akai paat akai nokorongog ra baal raginio. Kalio boo kabaanian mai sabap ra akau. Tuhan i Aki Kapuuno' min sotopot no i Aki Kapuuno' ondo' makakuasa' giu' ra limbowon no am ra tana' ti.

MAZMUR 20:2

Gama' ru iowon ru Tuhan pakiasian muno bulintok ra makakapaganan. Gama' ru i Aki Kapuuno' ri Jakub manindung ramuyun.

SAGULION 33:25

Gama' ru ampinin bandar-bandar nano ru kulobon garabang basi', gama' ru bayag nano magail moonsoi am mamimio.”