MAZMUR 119:25 - Tanou Moonsoi Timugon

²⁵ Nakaraluui aku ra kaau; patapulio' noyo bayag kuno sumugut ra bantu' Muno.

MAZMUR 119:25 ပူးပေါင်းရင်းမြစ်များ

MAZMUR 119:159

Ilai' noyo, tagamin ku toojo panusuban Muno, iou Tuhan. Bayago' aku no, sabap ra togom Muno.

MAZMUR 71:20

Kapaganan kapoam imbolo' porotongon Mu raki', kaa' pasagulion Mu ikang kuno; painggaluron Mu aku intor ra lobong.

MAZMUR 143:11

Pamayag no raki', iou Tuhan sumugut ra bala' Muno; pamayag no raki' intor ra kapaganan sabap ra Okou no moonsoi.

MAZMUR 44:25

Kua kia pansibuni Kou? Pai' liliani' kaimbalaan am kapaganan maiti;

KOLOSI 3:2

Moonsoi ru guango' min noyo kaatangan raginio, sala' ka kaatangan ru tana' ti.

MAZMUR 119:156

Asi' Muno maayo, iou Tuhan; pakaasi' no raki' am bayago' aku no.

MAZMUR 119:93

Sabuoi-buoi no kalo lilianin ku panusuban Muno, sabap ra nangatangan raginio namayag Kou raki'.

MAZMUR 119:88

Gama' ru tagamin Mu aku sabap ra togom Muno mantilayun, maa' raginio magagaya' ku ukum Muno.

MAZMUR 119:40

Gagayaan ku panusuban Muno; anii' aku no ra kaayagan bagu sabap ra Okou noyo matimpok.

MAZMUR 119:37

Pai' aku polosoo' mampaguang ra kandoi-kandoi ra kolondo' onong; anii' aku ra bayag sumugut ra kasagaan Muno.

MAZMUR 80:18

Sindungi' am alungi' noyo ulun ondo' pinili' Muno, bansa' ra sinauk Muno maikang toojo.

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

MAZMUR 119:149

Ralalom ru togom Muno ra mantilayun, iou Tuhan, rongogo' aku no; pakaasi' noyo raki' am bayago' aku no.

MAZMUR 119:107

Naimbolo' aku kaga', iou Tuhan; bayago' noyo painawo kuno sumugut ra bantu' Muno.

JISAYA 65:25

Taani am anak domba masisimpung mangakan, singa' mangakan ra rami koson ra sapi', am kukuo kalo boo makakalalaa'. Giu' ra Sion, bulur Kuno ra matulai, kolondo' boo makalalaa', kapoam malaat.”

MAZMUR 22:15

Kolondo' boo lulu' kuno, natatak koson ra timug nasasar. Ngaangai' ru bungul kuno naukuk; guang kuno timinanu' koson ra dian.

MATIUS 16:23

Pangkaili i Jisus am indagu Io boo ri Pitrus, “Pagiru' intor Raki', okou Tingganai ru riwato! Okou mongompong ra ralan Kuno. Pamaguangan muno pamaguangan ru ulun, sala' ka pamaguangan ri Aki Kapuuno'!”

MAZMUR 44:26

Naratu' akai natutuk ra tana', am nakalangan ra kaau sabap ra naala.