MAZMUR 119:157 - Tanou Moonsoi Timugon

¹⁵⁷ Masuang ulun makimantula' am mangulipon raki', kaa' kalo igondo' ku liliani' ukum Muno.

MAZMUR 119:157 ပူးပေါင်းရင်းမြစ်များ

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

MAZMUR 119:51

Ulun malilimbau masalok magasab raki', kaa' kalo tuliarin ku Ukum Muno.

JISAYA 42:4

Kalo maimamang kapoam lumuku saboi mapabigor io ra katimpakan ra tana'. Pagun-pagun ondo' maalur magiginaa ra pangilaan nano.”

AYUP 23:11

Maya' aku ra ralan Nano ra totopot, kalo lumisang aku intor ra ralan ondo' inaru' Nano.

AYUP 17:9

Ulun ondo' moonsoi am kolondo' sala, gumaai mangintopot ra i Aki Kapuuno' mangiou risilo.

RINALATAN 4:27

Motopot ra raja' Irodis am i Pontius Pilatus naguma' ra ulun sala' ka Jaudi am poyo ulun ru Israil giti ra bandar ti, koson manggal ri Jisus Ulipon Muno ra matulai, ondo' sinauk Mu ra Mamamayag.

MATIUS 24:9

“Akau pana rokopon boo am imboloon am potoyon. Ngaangai' ru ulun masisang ramuyun sabap ra akau maya' Raki'.

MAZMUR 119:110

Ulun malaat mapaatang raki' ra jajaling, kaa' kalo anggalon ku panusuban Muno.

MAZMUR 56:2

Pakaasi' no raki', iou Aki Kapuuno' sabap ra aku binulunsar; pantula'-pantula' kuno mangimbolo' raki' ra moonong bulintok.

MAZMUR 44:17

sabap ra mangining ra pangiisan am pagasaban ondo' paingkualon ru pantula' am ilo ondo' masisang.

MAZMUR 25:19

Ilai' noyo kinasusuang ru pantula' kuno; masisang ilo kaga' raki'.

MAZMUR 22:16

Bambalangan kuno mapua' koson ra kaau, am rila' kuno siminokot ra kaar. Tatangon Mu aku ra rasawat ru kaau, koson ra ulun minatoi.

MAZMUR 22:12

Pai' noyo inggalur intor raki'. Kapaganan mamaar noyo, am kolondo' sangulun pana mangindangan.

MAZMUR 7:1

Sulabit ri Daut ondo' rimbayon no ra Tuhan sabap ri Kus, ulun ru Binjamin no.

MATIUS 26:47

Liliwa' i Jisus lakat ayuk poyo mindagu, ratong i Judas nabaya' ra ulun masuang ondo' nagibit ra ilang am lalamba'. Sinusub ilo ru tingganai-tingganai imam Jaudi am tingganai-tingganai ru ulun ru Jaudi.