MAZMUR 119:154 - Tanou Moonsoi Timugon

¹⁵⁴ Sungkaa' aku no am palabuso' aku no; bayago' aku no sumugut ra bantu' Muno.

MAZMUR 119:154 ပူးပေါင်းရင်းမြစ်များ

AYUP 5:8

Amon ru soroi aku ralalom ru baal mino, gumolok aku ri Aki Kapuuno', Io no pakisaungan kuno, am pataakon baal kuno.

MAZMUR 119:25

Nakaraluui aku ra kaau; patapulio' noyo bayag kuno sumugut ra bantu' Muno.

MAZMUR 119:38

Intopoto' bantu' Muno raki', ulipon Muti, bantu' ra pinataak Muno ra ulun ondo' gumagaya' Rirun.

MAZMUR 119:40

Gagayaan ku panusuban Muno; anii' aku no ra kaayagan bagu sabap ra Okou noyo matimpok.

MAZMUR 35:1

Mazmur ri Daut. Tuhan, anggalo' noyo ulun ondo' tumula' raki', am anggalo' noyo ulun ondo' mangayou raki'.

MAZMUR 35:23

Sukal no, iou Tuhan, saungo' aku no; luat no, iou Aki Kapuuno' kuno, am indangano' aku no.

MAZMUR 43:1

Iou Aki Kapuuno', paintalango' noyo ra aku kolondo' sala, sungkaa' aku tumingkuang ra bansa' ondo' nausung; painggaluro' aku intor ra ulun mangalaat am ulun maabau-abau.

AMSAL 22:23

Saungon ilo ru Tuhan, am butuson painawo ru ulun mangimpai risilo.

JIRIMIA 11:20

Aku pana pakiasi' boo, “Iou Tuhan Ondo' Maayo Kaga' Kuasa', Okou akim ondo' matimpok; Okou mangkinam ra pangkaraan am guang ru ulun. Pataakon ku baal kuno ra ralalom ru kalindu' Muno; ginio ra polosoon noyo aku makakito ra pambalos Muno ra binaal ru ngaangai' ulun no.”

JIRIMIA 50:34

Kaa' Io ondo' mamayag risilo no maikang; inggalan Nano iono Tuhan Ondo' Maayo Kaga' Kuasa'. Io galama' mirot toojo mangampin ra baal nilo, am magibit ra kaansayan ra tana' ti, kaa' mamparatong ra kapaganan ra ulun ru Babilonia.”

JIRIMIA 51:36

Ginio ra indagu Tuhan ra mamagun ru Jirusalim, “Tutunon Ku baal mino am mambalos ra pantula' mino ra binaal nilo ramuyun. Palasakon Ku puun-puun ru timug giu' ra Babilonia am mampalasak ra sungoi-sungoi no.

MIKA 7:9

Natulaan takau ra Tuhan. Ginio ra musiti' mansaan ra sangit Nano ra kalo mantilayun. Kaa' pupus nano sumaung Io ritakau am mangani' ritakau ra katimpakan. Magibit Io ritakau mingkual mongoi ra sinda, am makaliman takau ra pamayagan ru Tuhan.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

1 SAMUIL 24:15

Imansaa' aku ti ondo' masaga' potoyon ru raja' ru Israil! Ilai' noyo aku ti ondo' ilolowon mutu! Aku ti sanginan uku' minatoi ayuk, rondo' kutu ayuk!

1 SAMUIL 24:16

Tuhan no mangakim rirun am aku, am mangaru' ra osoi ondo' makasala. Gama' ru Io manutun ra baal ragitio, am manaung raki' am niayuk mamayag raki' intor rirun.”