MAZMUR 119:141 - Tanou Moonsoi Timugon

¹⁴¹ Aku ti kolondo' onong am asabin kaga', sabap ra kalo lilianin ku pangilaan Muno.

MAZMUR 119:141 ပူးပေါင်းရင်းမြစ်များ

MAZMUR 119:109

Masalok pajuungon ku painawo kuno, kaa' aku kalo mampalilian ra ukum Muno.

MAZMUR 119:16

Maansayan aku ra ukum Muno; kalo lilianin ku panusuban Muno.

MAZMUR 119:176

Tumanggau aku koson ra domba nakalayau; am ratong no paguyum ra ulipon Mutu, sabap ra kalo lilianin ku ukum Muno.

MAZMUR 22:6

Mampiau ilo Rirun am painggaluron Mu ilo intor ra makalalaa' no; mangintopot ilo Rirun am kalo pansagulian guang nilono.

MAZMUR 40:17

Gama' ru ngaangai' ulun ondo' rumatong Rirun maansukan am maantak guang! Gama' ru maringkuanang ilo ra pamayagan Muno masalok mindagu, “Matulai kaga' Tuhan no!”

AMSAL 15:16

Moonsoi poyo musikin am malaa' ra Tuhan, ka langkaya' ondo' magalabo.

AMSAL 16:8

Ralalom kandoi matanda' moonsoi poyo kalo kukula' maalap, ka masuang maalap kaa' kandoi ra kalo matanda'.

AMSAL 19:1

Moonsoi poyo ulun musikin ra mabanis guang, kaa' ulun sasambungon ondo' malilimbau.

AMSAL 3:1

Alii ra anak kuno, pai' liliani' pangilaan kuno. Masalok kou mangkara' ra panusuban kuno,

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

LUKAS 6:20

Tantangi' ri Jisus ngaangai' maamaya' Nano am indagu, “Pakaansuk kano, ondo' musikin, sabap ra akau noyo ulun ri Aki Kapuuno'.

LUKAS 9:58

Taam i Jisus, “Munin mokoondo' ra luang no galama' am susuit ra bunsut no galama', kaa' Anak ru Ulun kolondo' intok luyaan am tangusan.”

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.