MAZMUR 119:125 - Tanou Moonsoi Timugon

¹²⁵ Aku ti ulipon Mu, anii' aku ra pangaratian, maa' raginio maratian ku pangilaan Muno.

MAZMUR 119:125 ပူးပေါင်းရင်းမြစ်များ

MAZMUR 116:16

Ulipon Muno aku, iou Tuhan; koson ri ina' kuli ragili, aku ti pana mangandoi ayuk Rirun. Binayag Mu aku intor ra kapatayan.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

2 TIMOTIUS 2:7

Guango' noyo pagabigan kuni, sabap ra Tuhan mangindangan rirun makarati' ra ngaangai' raginio.

AMSAL 14:8

Ulun mapintar makapandai ra atan baalon nilo; ulun sasambungon maruung ru kabuduan nilo galama'.

MAZMUR 119:34

Paratio' toojo raki' Ukum Muno maa' raginio magagaya' ku, am baalon ku ra sotopot-topot ru guang kuno.

ROMA 6:22

Kaa' raino, pinalabus kano intor ra tula am masauk ra ulipon ri Aki Kapuuno'. Onong ru ginio kaayagan mino patimpokon noyo ri Aki Kapuuno' am ginio manangampos ra kaayagan motopot am mantilayun.

AMSAL 9:10

Amon ru sumauk kau ra ulun mapintar, pagulu musiti' no mangurumat am malaa' kau ra Tuhan. Amon ru mulig kau ra Io Ondo' Matulai Kaga', paration kau.

MAZMUR 119:94

Bayago' aku no sabap ra aku longgom Muno; pinirot ku noyo gumagaya' ra panusuban Muno.

MAZMUR 119:66

Anii' aku ra kapintaran am kapandayan, sabap ra mangintopot aku ra panusuban Muno.

MAZMUR 119:29

Painggaluro' aku no ra ralan kalayawan, am sabap ra kinoonsoi Muno, ilaa' aku no ra ukum Muno.

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 86:16

Ilai' aku am pakaasi' no raki'; ikango' aku am bayago' aku, sabap ra aku mangandoi ayuk Rirun koson ra ina' kuli ra galing i.