MAZMUR 119:12 - Tanou Moonsoi Timugon

¹² Mongompor aku Rirun, iou Tuhan; ilaa' aku maya' ra kasagaan Muno.

MAZMUR 119:12 ပူးပေါင်းရင်းမြစ်များ

MAZMUR 119:108

Apuo' noyo pakiasian paringkuanangan kuno, iou Tuhan, am ilaa' aku no ra panusuban Muno.

MAZMUR 119:124

Pasauko' aku no sumugut ra togom Muno, am ilaa' aku no ra panusuban Muno.

MAZMUR 119:135

Barakato' aku no ra ratangan Muno, am ilaa' aku no ra ukum Muno.

MAZMUR 119:33

Iou Tuhan, paratio' aku ra ukum Muno, maa' raginio masalok ku kagagaya'.

MAZMUR 119:64

Iou Tuhan, tana' ti natikop ra togom Muno ra mantilayun, ilaa' aku ra panusuban Muno.

MAZMUR 119:66

Anii' aku ra kapintaran am kapandayan, sabap ra mangintopot aku ra panusuban Muno.

MAZMUR 119:68

Moonsoi Kou kaga' am baalon Muno moonsoi; ilaa' aku no ra panusuban inatang Muno.

MAZMUR 143:10

Okou no i Aki Kapuuno' kuno; ilaa' aku mambaal ra kasagaan Muno. Koonsoi no raki', am pangaak raki' mongoi ra ralan matanda'.

MAZMUR 86:11

Ilaa' aku ra kasagaan Muno, iou Tuhan, am suguton ku am gagayaan ku; ilaa' aku ra mangurumat toojo Rirun.

LUKAS 24:45

Kopongo ragili, nampaintutun Io risilo ra atan kon ru Buuk Kitab,

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

1 TIMOTIUS 1:11

ioginio ondo' gumagaya' Tanou Moonsoi intor ri Aki Kapuuno' ondo' matulai am omporon. Tanou ragitio noyo ondo' patanawin raki'.

1 TIMOTIUS 6:15

Ratangan Nano aruon ri Aki Kapuuno' galama', ondo' rorondo' ayuk Mangunguasa' ru ngaangai', Matulai Io, Raja' ru ngaangai' raja' am Tuhan ru ngaangai' tuan.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.