MAZMUR 119:116 - Tanou Moonsoi Timugon

¹¹⁶ Paikango' aku no sumugut ra bantu' muno, maa' raginio maayag aku; pai' aku polosoo' malawo guang paat ra aku malansan!

MAZMUR 119:116 ပူးပေါင်းရင်းမြစ်များ

MAZMUR 119:17

Gama' ru mataau Kou raki', ulipon Muti, maa' raginio maayag aku gumagaya' ra ila' Muno.

MAZMUR 119:6

Amon guangon ku ngaangai' panusuban Muno, kalo boo tauyuon aku.

MAZMUR 25:2

Iou Aki Kapuuno' kuno, mangintopot aku Rirun. Pai' aku polosoo' tauyuon; pai' polosoo' pantula' kuno magasab raki'.

MAZMUR 37:17

sabap ra pandakon ru Tuhan kuasa' ru ulun malaat am manindung ra ulun moonsoi.

MAZMUR 37:24

Amon maratu' ulun no, kalo majamaran io, sabap ra Tuhan mangitang ra longon nano.

MAZMUR 41:12

Aku pana makapandai ra Okou mangiou raki', sabap ra pantula' kuno kalo makapangala raki'.

MAZMUR 54:4

Rongogo' noyo pakiasian kutu, iou Aki Kapuuno'; iowo' noyo ragu-ragu kutu.

MAZMUR 63:8

sabap ra masalok Kou mangindangan raki'; maansukan aku marimbai ra saau ru kawo Muno.

MAZMUR 94:18

Bulintok ra aku mangkara' ra maratu' aku, togom Muno, iou Tuhan, mampaguut raki'.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

ROMA 10:11

Kon poyo ru Buuk Kitab, “Osoi ayuk mangintopot Riso kalo mangkaus.”

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.

1 PITRUS 2:6

Sabap tinulisan noyo ra Buuk Kitab kon ragino, “Ilai', pinabanta' Ku noyo giu' ra bandar Sion rondo' batu ra mokologo, ondo' pinili' Ku ra batu maatang: am kalo noyo igondo' Io pangkinibit ra pangkausan ra ulun ondo' mangintopot Riso.”