MAZMUR 119:112 - Tanou Moonsoi Timugon

¹¹² Nakai' noyo guang kuno koson gumagaya' ra ukum Muno saboi ru painawo kuno.

MAZMUR 119:112 ပူးပေါင်းရင်းမြစ်များ

MAZMUR 119:33

Iou Tuhan, paratio' aku ra ukum Muno, maa' raginio masalok ku kagagaya'.

MAZMUR 119:36

Indangano' aku mompogogot koson gumagaya' ra ukum Muno, am sala' ka masauk ra langkaya'.

MAZMUR 141:4

Painggaluro' aku no ra gogot ru guang mambaal ra malaat, am lumatok ra ulun masaga' mambaal ra tula. Pai' aku polosoo' maya' akan ra bunsagan nilo.

MAZMUR 119:44

Kasaga' ru guang kuno gumagaya' ra ukum Muno, ra sabuoi-buoi no.

1 RAJA'-RAJA' 8:58

Gama' ru mampasauk Io ritakau ra ulun ondo' gumagaya' Riso maa' raginio magail takau maayag sumugut ra kasagaan Nano, am gumagaya' ra ngaangai' ukum am susuban ondo' tinaakan No ra kinamatuaan takali.

JOSUA 24:23

Indagu poyo i Josua, “Amon ru ginio noyo, patiri' noyo tuhan-tuhan ru bansa' ra bokon ondo' soroi ramuyun am bantuo' noyo ra gumagaya' ra Tuhan i Aki Kapuuno' ru Israil.”

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

2 TUNUNG RU BANSA' ISRAIL 19:3

Kabalu' pana raginio, mokoondo' niayuk binaal ra moonsoi muno. Namatir kou ra tatandu'-tatandu' ru Dewi Asyira ondo' sambaan ru mamagun, am minirot kou nambaal ra kasagaan ri Aki Kapuuno'.”

IJRA 7:10

Pinataak ri Ijra kaayagan nano koson mintutun ra Ukum ru Tuhan, nambaal raginio am niayuk nangila' ra ngaangai' inaru' am ukum nano ra bansa' ru Israil.

MAZMUR 18:22

Gagayaan ku Ukum ru Tuhan; kalo tatangon ku i Aki Kapuuno' kuno.

AMSAL 2:2

Rongogo' min atan ondo' kapintaran am kinami' min aratio'.