MAZMUR 119:106 - Tanou Moonsoi Timugon

¹⁰⁶ Intopoton ku bantu' ondo' nagibatan kuli, koson mampaguut ra inatang Muno ondo' matimpok.

MAZMUR 119:106 ပူးပေါင်းရင်းမြစ်များ

NIGIMIA 10:29

minaya' ra tingganai-tingganai mai am nagibot ra maayag akai sumugut ra ukum ri Aki Kapuuno' ondo' tinaakan Nano ondo' pinabala' galing ri Musa. Magibot akai koson gumagaya' ra ngaangai' susuban ondo' tinaakan ramon ru Tuhan, iono Tuhan mai; nagibot akai koson gumagaya' ra ngaangai' ukum am aturan Nano.

MAZMUR 56:12

Mangintopot aku Riso am kalo malaa' aku. Atan kia maalap kabaal ru ulun no raki'?

2 KORINTUS 8:5

Am mulu' poyo pinataak nilo intor ra linansanan maili. Kasaa', pinatimpok nilo kaayagan nilai galama' ra Tuhan am niayuk ramon, sumugut ra kasagaan ri Aki Kapuuno'.

2 RAJA'-RAJA' 23:3

Minigor io ra sapapa' ru lugu' ondo' timpokon ra raja', am nambaal ra nabantuan ra Tuhan, koson gumagaya' Riso, am sumugut ra ukum am susuban Nano ra totopot ru guang am salibuor nano, am niayuk manugut ra ngaangai' kitaakon ru nabantuan ondo' tinulisan ra ralalom ru kitab no. Ngaangai' mamagun ru pagun no nambantu' koson gumagaya' ra nabantuan no.

MAZMUR 119:115

Akau ulun malaat, inggalur kau raki'. Gumagaya' aku ra panusuban ri Aki Kapuuno' kuno.

MATIUS 5:33

“Maaru' nokorongog kau ondo' pinabala' ra kinamatuaan takali: ‘Pai' lungkang ra bantu' mino, kaa' suguto' noyo ondo' inibot min ra saang ru Tuhan.’

JOSUA 24:16

Taam ulun ru Israil, “Kalo noyo toojo mangiruan akai ra Tuhan koson mangandoi ayuk ra tuhan-tuhan ra bokon!

2 TUNUNG RU BANSA' ISRAIL 34:31

Minigor raja' giu' ra sapapa' ru lugu' ondo' timpokon ra raja', am nambaal ra nabantuan ra Tuhan ra gumagaya' io Riso, am sumugut ra ukum am niayuk susuban Nano ra sotopot ru guang am salibuor, am niayuk maya' ra ngaangai' rinagu ra nabantuan ondo' tinulisan giu' ra ralalom ru kitab no.

NIGIMIA 10:30

Magibot akai kalo matagandu' ra ulun bansa' ra bokon ondo' minayan ra pagun mai.