MAZMUR 119:104 - Tanou Moonsoi Timugon

¹⁰⁴ Ukum Muno napasauk raki' ra mapintar, ginio ra masisang aku ra ngaangai' paliso malaat.

MAZMUR 119:104 ပူးပေါင်းရင်းမြစ်များ

MAZMUR 119:128

Sabap raginio maya' aku ra nansalinut panusuban Muno; masisang aku ra baal ra kalo matanda'.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

AMSAL 14:12

Ralan ondo' kinara' ra moonsoi no pupus nano tumingkuang ra kapatayan.

MAZMUR 119:98

Panusuban Muno mabaya' raki', ondo' mapasauk raki' mapintar poyo ka ilo pantula' kuno.

MAZMUR 97:10

Motogom Tuhan ra ulun ondo' masisang ra kalaatan; sindungin No kaayagan ru ulun Nano, am mamayag risilo intor ra kuasa' ru ulun malaat.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

MAZMUR 119:100

Mapintar aku poyo ka ulun matutuo, sabap ra panusuban Muno gagayaan ku.

MAZMUR 101:3

kalo polosoon ku kalaatan no masauk. Masisang aku ra baalon ru ulun ondo' siminiang; kalo masaga' aku kumubayau risilo.

MATIUS 7:13

“Subol kano ra kulobon ondo' mapisok no, sabap ra malangka' kulobon am malimparang ralan mongoi ra naraka! Masuang ulun maya' ra ralan ragitio.

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

MAZMUR 36:4

Ragu-ragu nilono napanu' ra kalaatan am abau, kalo boo mambaal ilo ra moonsoi am ralalom ru kapintaran.

AYUP 32:9

Ulun ondo' mapintar, sala' ka matuo umur nano; ulun makarati' ra ondo' motopot, sala' ka masawat umur nano.

MAZMUR 119:34

Paratio' toojo raki' Ukum Muno maa' raginio magagaya' ku, am baalon ku ra sotopot-topot ru guang kuno.

MAZMUR 119:163

Masisang aku ra nansalinut abau, kaa' motogom aku ra Ukum Muno.