MAZMUR 119:102 - Tanou Moonsoi Timugon

¹⁰² Kalo lilianin ku ukum Muno, sabap ra Okou noyo nangila' raki'.

MAZMUR 119:102 ပူးပေါင်းရင်းမြစ်များ

AYUP 36:22

Karaa' noyo, kuasa' ri Aki Kapuuno' totopot maayo. Io noyo mangingila' ondo' maayo kaga'.

MAZMUR 18:21

Moonsoi balos ru Tuhan raki' sabap ra nambaal aku ra motopot; nambarakat Io raki' sabap ra kolondo' sala kuno.

AMSAL 5:7

Ginio ra, anak kau ngai', rongogo' noyo raguon kutu am pai' min impayi'.

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

1 JUANIS 2:19

Pantula' ri Jisus Kristus ondo' nangiruan ritakau, sotopot no sala' ka itakau po ngai'. Amon ru ulun ilo ru itakau, maaru' sumimpung ilo ritakau. Kaa' ilo ti nangiruan ritakau. Gitio mampakito ra kolondo' sangulun pana intor risilo topot-topot ulun takau.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.