MAZMUR 119:1 - Tanou Moonsoi Timugon

¹ Pakaansuk noyo ulun maayag ra kolondo' ruruko, am maayag sumugut ra ukum ru Tuhan.

MAZMUR 119:1 ပူးပေါင်းရင်းမြစ်များ

2 SAMUIL 22:22

Gumagaya' aku ra ukum ru Tuhan; kalo mangiruan aku ri Aki Kapuuno' kuno.

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 1:8

Indagu Tuhan, “Inurio mu kia i Ayup, ulun ondo' mangandoi ayuk Raki'? Giti ra titikop ru tana' ti kolondo' ulun ondo' totopot gumagaya' kaga' am moonsoi koson riso. Sumambayang io Raki' am totopot pagilalain no maa' raginio kalo mambaal ra malaat.”

MAZMUR 101:2

Kalo sabain ku paliso kuno makaruruko. Sanggilan poyo ratangan Muno raki'? Giu' ra baloi kuno kaayagan kuno matulai;

MAZMUR 101:6

Apuon ku ulun ondo' gumagaya' ri Aki Kapuuno'; paayanon ku ilo ra baloi kuno; ulun totopot mabanis guang iowon ku mangandoi raki'.

MAZMUR 112:1

Omporo' noyo Tuhan! Pakaansuk noyo ulun ondo' mangurumat ra Tuhan, ondo' masaga' gumagaya' ra panusuban Nano.

MAZMUR 128:1

Rimbai ru ratangan. Pakaansuk noyo ulun ondo' gumagaya' ra Tuhan, ondo' maayag sumugut ra panusuban Nano.

AMSAL 11:20

Masisang Tuhan ra ulun malaat guang, kaa' tagamin No ulun ra kolondo' ruruko.

AMSAL 13:6

Kabanisan ru guang mangampin ra ulun kolondo' sala, kaa' kalaatan mamuso ra ulun makatula.

AMSAL 29:18

Bansa' ra kolondo' indangan ri Aki Kapuuno' masauk ra bansa' kumuliasou-asou. Pakaansuk noyo ulun ondo' gumagaya' ru ukum ri Aki Kapuuno'.

YEHEZKIEL 11:20

Bagu no gumagaya' ilo boo ra ukum Kuno am sumugut ra ngaangai' susuban Kuno ra matanda'. Masauk ilo ra ulun Kuno, am Aku masauk ri Aki Kapuuno' nilo.

GOSIA 14:9

Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

LUKAS 11:28

Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

JUANIS 13:17

Amon ru makapandai kau raginio, mulu' poyo bansuk min amon ru suguton min.

RINALATAN 24:16

Ginio boo ra masalok aku mangkinam ra tumanda' ayuk guang kuno ri Aki Kapuuno' am ngaangai' ulun.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

JAKUBUS 1:25

Ukum ri Aki Kapuuno' motopot am poyo makakuasa' mampalabus ra ulun. Am ulun ondo' masalok migigila' am manginsugut toojo ra ukum Nano, arati' no, sala' ka mangkirongog ayuk am lilianin boo, io no barakaton ri Aki Kapuuno' ralalom ru ngaangai' ondo' baalon nano.

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.