MAZMUR 118:27 - Tanou Moonsoi Timugon

²⁷ Tuhan no i Aki Kapuuno'; moonsoi Io ritakau. Satanggal-tanggal ilo ra raan ru roroon koson mapatalimpuun ra pangiantakan am mugar lumiput ra altar.

MAZMUR 118:27 ပူးပေါင်းရင်းမြစ်များ

1 RAJA'-RAJA' 18:21

Tingkuang i Ilia ra ulun-ulun no am indagu, “Saboi sanggilan kia magulayun karuoon min guang? Amon ru Tuhan no i Aki Kapuuno', sambaa' noyo Tuhan; kaa' amon ru Baal no i Aki Kapuuno', sambaa' noyo Baal!” Kaa' ulun-ulun no kalo naguta'.

1 RAJA'-RAJA' 18:39

Pakakito ulun raginio ra kasaukan raginio, kubu samba ilo liliwa' mindagu, “Tuhan noyo i Aki Kapuuno'; Tuhan noyo rorondo' i Aki Kapuuno'!”

1 TUNUNG RU BANSA' ISRAIL 29:21

Suabon no, nanimbalui ilo ra bibiag-bibiag koson pataakon koson ra taak simbalui ra Tuhan. Taak-taak simbalui no pana pinosonong boo ra ngaangai' mamagun. Suai raginio mokoondo' 1,000 ngainan sapi' gawayan, 1,000 ngainan domba gawayan am 1,000 ngainan domba mamulok ondo' pinataak koson ra taak simbalui koson mapabansuk ra guang ru Tuhan, giu' ra rasawat ru altar. Nampataak ilo niayuk ra wain ondo' musiti' pataakon koson ra taak-taak simbalui no.

ESTER 8:16

Ulun ru Jaudi naansayan am nagilakup, naansukan am naantak guang.

MAZMUR 18:28

Mamayag Kou ra ulun ondo' minggana' guang, kaa' paganaan Mu ulun ondo' malilimbau.

MAZMUR 37:6

Io mamuun ra kinoonsoi muno makasinda koson ra mato ru orou paat ra tanga' ru orou.

KAINGKUALAN 27:2

Baalin kaapat-apat pisuk no ra sangau. Musiti' pogondoon ra altar am angkupin ngaangai' no ra gangsa'.

KAINGKUALAN 38:2

Tampilon ra rasawat ru altar no, pambaal io ra sangau ra kaapat-apat pisuk no pinogondo' ra altar no. Angkupi' no ngaangai' no ra gangsa'.

JISAYA 60:1

Tirong no, am kasauk no ra sinda, okou Jirusalim, sabap ra sinda pamayagan muno minatong noyo; I Aki Kapuuno' nanaak rirun ra sinda intor ra katulayan Nano.

JISAYA 9:2

Iou Tuhan, inanian Mu ilo ra kaansukan maayo, binansuk Mu ilo. Maansukan ilo sabap ra binaal Muno, koson ra ulun maansukan bulintok mangkumos ra tatanom, kapoam mantatayar ra kuliamos ginaau.

MIKA 7:9

Natulaan takau ra Tuhan. Ginio ra musiti' mansaan ra sangit Nano ra kalo mantilayun. Kaa' pupus nano sumaung Io ritakau am mangani' ritakau ra katimpakan. Magibit Io ritakau mingkual mongoi ra sinda, am makaliman takau ra pamayagan ru Tuhan.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.