MAZMUR 116:5 - Tanou Moonsoi Timugon

⁵ Tuhan no motogom am matimpok; i Aki Kapuuno' takau no natikop ra katagaman.

MAZMUR 116:5 ပူးပေါင်းရင်းမြစ်များ

IJRA 9:15

Iou Tuhan, i Aki Kapuuno' ru Israil, matimpok Kou kaga'. Kabalu' pana koon raginio, nangiou Kou ramon maayag. Mangiou akai ra tula mai. Kalo maaya' akai matong ra saang Muno.”

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

NIGIMIA 9:31

Kaa', sabap ra Okou maayo kaga' guang makaasi', kalo nangiruan Kou kapoam namuso risilo. Okou i Aki Kapuuno' ondo' motogom am makaasi'!

NIGIMIA 9:33

Timbalos Muno matimpok koson mangukum ramon ondo' najamaran; Gumagaya' Kou, kabalu' pana makatula akai.

NIGIMIA 9:8

Natutunan Mu ra giminagaya' io Rirun, am nambaal Kou ra nabantuan riso. Binantu' Mu koson mangani' riso ra pagun ru ulun ru Kanaan, pagun ru ulun ru Git am ulun ru Amori, pagun ru ulun ru Piris, ulun ru Jibusi am ulun ru Girgasi, koson masauk ra intok ayanan ru papag nano. Sinugut Mu bantu' Muno sabap ra Okou matimpok am gumagaya'.

MAZMUR 103:8

Tuhan motogom am maupus, maawar orot ru guang, am napanu' ra togom.

MAZMUR 112:4

Sinda mapaang ralalom kalandaman ra tayar ru ulun ondo' mabanis guang; makaasi' io, motogom, am matimpok.

MAZMUR 115:1

Sala' ka akai, iou Tuhan, sala' ka akai, kaa' Okou ayuk maaya' katulayon am omporon, sabap ra Okou mampagagaya' toojo am monogom ramon.

MAZMUR 119:137

Matimpok Kou, iou Tuhan, am matimpok ukum Muno.

MAZMUR 145:17

Matimpok toojo atan ayuk pana baalon ru Tuhan, am makaasi' Io ra atan ayuk pana baalon Nano.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

DANIL 9:14

Nakatampos Kono mangukum ramon, iou Tuhan, i Aki Kapuuno' mai, am nakapangukum Kono ramon. Atan ondo' baalon Muno totopot matimpok sabap ra kalo rumongog akai Rirun.

DANIL 9:7

Okou, iou Tuhan masalok mambaal ra motopot, liliwa' akai masalok manuyu' ramon galama'. Koon raginio niayuk ra ngaangai' ru bansa' mai ondo' minayan ra Jiuda, Jirusalim, am ngaangai' ulun ru Israil ondo' pinantutuliar Mu giu' ra pagun-pagun mamaar am maalur sabap ra kalo gumagaya' ilo Rirun.

DANIL 9:9

Maayo guang Muno makaasi' am mangampun, kabalu' pana giminuor akai Rirun.

IPISUS 2:4

Kaa' ginio gayo ru asi' ri Aki Kapuuno' am poyo togom Nano ritakau ra kalo maalap kauntob,

1 TIMOTIUS 1:14

Am maya' ra kinataau ru Tuhan takau ondo' kalo mauntob, nangani' Io raki' ra asi', pangintapatan am togom sabap ra pasimpungan takau ri Jisus Kristus.

1 JUANIS 1:9

Kaa' amon ru mangiou takau ra tula takau ri Aki Kapuuno', intopoton No bantu' Nali ritakau am mambaal Io ra atan ondo' motopot; ampunon No tula takau am mangimpasau ritakau intor ra ngaangai' kalaatan.