MAZMUR 116:16 - Tanou Moonsoi Timugon

¹⁶ Ulipon Muno aku, iou Tuhan; koson ri ina' kuli ragili, aku ti pana mangandoi ayuk Rirun. Binayag Mu aku intor ra kapatayan.

MAZMUR 116:16 ပူးပေါင်းရင်းမြစ်များ

1 TUNUNG RU BANSA' ISRAIL 17:19

Sabap ra kasagaan Muno am inatangan Muno, binaal Mu ngaangai' baal maayo ti raki', am koson nampakito ra kinaayo kuno paat ra orou matong, raki'.

MAZMUR 119:125

Aku ti ulipon Mu, anii' aku ra pangaratian, maa' raginio maratian ku pangilaan Muno.

MAZMUR 143:12

Potoyo' pantula' kuno sabap ra motogom Kou raki'; luuso' ngaangai' ondo' liminaat raki', sabap ra aku ti ulipon Muno.

MAZMUR 86:16

Ilai' aku am pakaasi' no raki'; ikango' aku am bayago' aku, sabap ra aku mangandoi ayuk Rirun koson ra ina' kuli ra galing i.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

RINALATAN 27:23

Sabap ra mokoondo' malaikat minatong raki' ra rondom i. Sinusub io ri Aki Kapuuno' ondo' sambaan kuno am ondo' masalok sumimpung raki'.

ROMA 6:22

Kaa' raino, pinalabus kano intor ra tula am masauk ra ulipon ri Aki Kapuuno'. Onong ru ginio kaayagan mino patimpokon noyo ri Aki Kapuuno' am ginio manangampos ra kaayagan motopot am mantilayun.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.