MAZMUR 114:8 - Tanou Moonsoi Timugon

⁸ i Aki Kapuuno' ondo' nangulau ra bulur batu masauk ra tulugung, am pipilon ru batu masauk ra taur ru timug.

MAZMUR 114:8 ပူးပေါင်းရင်းမြစ်များ

NIGIMIA 9:15

“Paat ra ilo maitilan, ruti' intor ra limbowon pinaratu' Muno, paat ra ilo paason, timug intor ra batu pinaingkual Mu. Nanusub Kou risilo manguasa' ra tana' ondo' binantu' Mu noyo risilo.

MAZMUR 105:41

Bulur batu linapak No, am timug tumampusis mingkual, am tumuluk koson ra sungoi giu' ra tana' kaagisan.

MAZMUR 107:35

Kinulau No tana' kaagisan no nasauk ra tulugung, am tana' ra mapua' masauk ra taur ru timug.

KAINGKUALAN 17:6

Migor Aku ra saang mino rasawat ru rondo' batu maayo giu' ra Gunung Sinai. Lambaa' batu no, am mingkual timug ra inumon ru ulun.” Baalo' ri Musa ginio ra saang ru tingganai ulun ru Israil no.

UNTABAN 20:11

Kakato' boo ri Musa jujuga' no am palambaa' induo ra bulur batu no. Miningkual timug bubuluak saboi ngaangai' ulun am bibiag tinambiag nilono nakainum.

1 KORINTUS 10:4

Am niayuk nanginum ilo ra inumon ondo' pinaingkual ri Aki Kapuuno' intor ra batu ondo' namaya' risilo; sotopot no batu i Kristus galama'.

SAGULION 8:15

Naningganai Io ramuyun mansail ra tana' kaagisan ondo' malangka' am makalalaa' no, intok ondo' inayanan ru kukuo makaanit am lingait. Giu' ra tana' ondo' mapua' am kolondo' timug no, napaingkual Io ramuyun ra timug intor ra bulur batu.