MAZMUR 114:2 - Tanou Moonsoi Timugon

² i Jiuda nasauk ra ulun longgom ru Tuhan, am Israil masauk ra longgom Nano.

MAZMUR 114:2 ပူးပေါင်းရင်းမြစ်များ

KAINGKUALAN 15:17

Nagibit Kou risilo mumpos, am mapaayan risilo giu' ra gunung Muno, intok ondo' Okou, iou Tuhan, nampili' koson masauk ra ayanan Muno; Baloi ondo' binaal Muno galama'.

KAINGKUALAN 25:8

Susubo' ulun raginilo mambaal Raki' ra rondo' kim matulai maa' raginio makaayan Aku risilo.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

IMAMAT 11:45

Aku noyo Tuhan ondo' nagibit ramuyun miningkual intor ra Misir, maa' raginio masauk Aku ri Aki Kapuuno' mino. Musiti' kau matulai sabap ra Aku ti matulai.

SAGULION 23:14

Alungi' noyo maa' raginio pangkiman min kalo majamol, sabap ra Tuhan i Aki Kapuuno' min mabaya' ramuyun giu' ra pangkiman no koson manindung ramuyun am manaak ramuyun ra kamanangan intor ra pantula'. Pai' pambaal ra atan-atan ondo' kalo matanda', ondo' mangkinibit ra Tuhan mangiruan ramuyun.”

SAGULION 27:12

“Mopongo kau makalaup ra Sungoi Jordan, bansa' ru Simion, Liwi, Jiuda, Isakar, Jusup, am Binjamin musiti' migor giu' rasawat ru Gunung Girijim, paat raguon barakat tayar ru ulun ru Israil.

SAGULION 27:9

Kopongo raginio i Musa, nabaya' ra imam-imam ru Liwi, minindagu ra ngaangai' ulun ru Israil, “Rongogo' noyo, ulun ru Israil kau ngai' am tutuno'. Paat ra orou raiti' nasauk kau noyo ra ulun ru Tuhan i Aki Kapuuno' min.

SAGULION 7:6

Baalo' noyo baal raginio sabap akau longgom ru Tuhan i Aki Kapuuno' min. Intor ra ngaangai' bansa' ra tana' ti, nampili' Io ramuyun masauk ra ulun Nano ondo' tagamin.

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.