MAZMUR 113:9 - Tanou Moonsoi Timugon

⁹ Ngaangai' anak pinataak no ra andu' ondo' tabanang am pasaukon io ra ina' ondo' makaansuk am urumaton ra baloi nano. Omporo' noyo Tuhan!

MAZMUR 113:9 ပူးပေါင်းရင်းမြစ်များ

KASAUKAN 25:21

Sabap ra kolondo' anak ri Ribika, pakiasi' boo i Isak ra Tuhan. Pakiasian ri Isak no iniou ru Tuhan saboi i Ribika maapang.

2 RAJA'-RAJA' 4:17

Kaa' koson ra ondo' rinagu ri Ilisa, olo'-olo' paat ra nogondo' ra bilor sumunu' no, naganak ruandu' no ra sangulun anak ungkuyon.

MAZMUR 68:6

I Aki Kapuuno' ondo' minayan ra intok Nano ra matulai, magalung ra anak nailusan ra matuo am manindung ra ulun napuor.

JISAYA 54:1

Jirusalim, galing i okou koson ra ruandu' tabanang ondo' kalo igondo' maganak. Kaa' ragino pagilakup no, am parimbai no maansukan! Sabap ra anak-anak muno masuang kaga', nakasail poyo intor ra anak ru ruandu' ondo' kalo tinatang ru ralaki.

UNTABAN 5:28

Kaa' amon ru kolondo' sala nano, kalo matiu' io ra ulas am lakat poyo makapaganak.

GALATIA 4:27

Mokoondo' tinulisan ra Buuk Kitab ra: “Pakaansuk no, ruandu' ondo' tabanang! Pagitatapap am pampiau mabaya' ra kaansukan, okou ondo' kalo igondo' karuali' ra maganak! Ruandu' inimpayan makaanak ra masuang intor ra ruandu' ondo' masimpung ra ralaki nano.”

1 SAMUIL 2:5

Ulun ondo' naasug ragili, raino ti moonsoi mangandoi ra maginakan; kaa' ondo' nangaitilan ragili, raino ti nangaasug boo. Andu' ondo' tabanang naganak ra tulu' ngaulun anak, kaa' ina' ondo' makaanak ra masuang, tinatang am pinoloso naimbolo'.