MAZMUR 112:9 - Tanou Moonsoi Timugon

⁹ Pataakon no rapu' nano ra ulun musikin, masalok io mataau, manguasa' io am urumaton ru ulun.

MAZMUR 112:9 ပူးပေါင်းရင်းမြစ်များ

MAZMUR 111:3

Nansalinut binaal ru Tuhan no matulai am noompor; mantilayun kinoonsoi Nano.

MAZMUR 112:3

Suang ru baloi nano lumangkaya', am kalo mailusan io ra sabuoi-buoi no.

MAZMUR 75:10

Kaa' kalo langgain ku mapatanou ri Aki Kapuuno' ri Jakub, kapoam marimbai ra rimbai pangamparan Riso.

MAZMUR 92:10

Makapandai akai ra pantula' Muno pusoon, am ngaangai' ulun malaat kalaan.

MAZMUR 92:11

Sinauk Mu aku maikang koson ra sapi' gawayan ondo' masigo; binarakat Mu aku ra kaansukan.

AMSAL 14:24

Ulun mapintar omporon sabap ra kapintaran nilo, kaa' ulun sasambungon mauligan kaga' sabap ra sasambungon ilo.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

AMSAL 21:26

Karaan nano kasagaan nano ayuk; kaa' ulun gumagaya' ri Aki Kapuuno' makapanaak saboi malabaan.

MAMPATANOU 11:6

Patiaso' noyo sampug tampilon ra susuab ti am niayuk ra mai' no, sabap kalo makapandai takau ru ngaangai' no tumuu', kapoam ati rondo' tias tumuu' ra malabung poyo.

MAMPATANOU 3:6

Io nangaru' ra paat koson mokoowot am paat ra matatakan, paat ra koson mambuli am paat ra mamatir,

JISAYA 32:8

Kaa' ulun mabanis guang mangatang ra baal ondo' matimpok, am mamatas ralalom katimpakan.

JISAYA 58:10

Paakano' noyo ulun naitilan am indangano' noyo ulun-ulun ondo' inimpayan. Amon ru makapambaal kau koson raginio, kalandaman pana giu' ra liliut mino masauk matawang koson ra orou ti.

JISAYA 58:7

Pataako' noyo akanon muno ra ulun naitilan, apuo' noyo ulun-ulun musikin ondo' kolondo' ayanan ra baloi muno. Ulun nagibaang anii' ra saluar am bayang, am pai' inggio' pabukat muno ondo' maaya' indanganon.

MATIUS 6:4

Polosoo' ayuk ra masauk koson raginio ra akau ayuk makapandai. Ama' min ondo' makakito ra baal moonsoi makasibuni no mangatang Io ra barakat no ramuyun.”

MARKUS 14:7

Ulun musikin masalok soroi ramuyun am makapangindangan kau risilo ra sasanggilan ayuk, kaa' Aku kalo boo masalok mababaya' ramuyun.

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

LUKAS 12:33

Talano' ngaangai' rapu' mino, am ruit no tatayaro' ra ulun-ulun musikin. Baalo' min rumpit pambulian ra ruit ondo' kalo maapu', ioginio rapu' giu' ra suruga' ondo' mantilayun, kalo matakou am kalo niayuk mokokot ru lipos.

LUKAS 16:9

“Balain takamin: Paguyum kau ra rangan mampakai ra ruit, koson paat ra kalangkayaan mapuso, apuon kau ra ayanan mantilayun.

LUKAS 18:22

Korongog ri Jisus ginio, indagu Io ra ulun i, “Rondo' poyo baalon muno: Talano' ngaangai' rapu' muno, am ruit no tatayaro' ra ulun musikin am mokoowot kou boo ra rapu' giu' ra suruga'. Mopongo raginio, baya' no Raki'!”

JUANIS 13:29

Sabap ri Judas ti mampaguut ra ruit nilai, ginio ra kukula' intor risilo nangkara' ra sinusub io ri Jisus mambali ra atan ondo' maatang ra pangiantakan, kapoam mantayar ra ruit no ra ulun musikin.

RINALATAN 20:35

Ginio ra nanulu' aku no ramuyun ra amon ru mangandoi takau koson raginio makapangindangan takau ra ulun malawo. Karaa' min ati kulaan bala' ru Tuhan Jisus ra io minindagu, ‘Moonsoi poyo mangani' intor ra makitaak.’ ”

RINALATAN 4:35

Ruit no boo tatayaron ra moonong ulun ondo' makapakuan.

ROMA 12:13

Pangani' kano ra rapu' mino ra ulun Kristian ondo' musikin, am pai' kano karara' tambuluyon ru pabukat ra Kristian ondo' kalo nauligan min.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

SAGULION 15:11

Gino ngai' ru ulun ru Israil, masalok mokoondo' kukula' ngaulun musikin am ondo' gumogot makiindangan. Ginio ra manusub aku ramuyun maa' raginio mataau guang risilo.”

SAGULION 15:14

Ra taau ru guang anii' io ra atan ayuk ondo' tinaakan ru Tuhan ramuyun, koson ra domba, unor-unor am wain.

SAGULION 24:13

Pasagulio' noyo bayang no riso moonong rondom maa' raginio mabayang no ra mombolong. Ra koson raginio, maringkuanang ulun no ramuyun am maansayan ramuyun Tuhan i Aki Kapuuno' min.

1 TIMOTIUS 6:18

Pinsono' ilo poyo mambaal ra moonsoi, koson maluoi mangani' ra indangan am maansayan mantayar ra ulun ra bokon.

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

PINAINTALANG 22:11

Maaru' ulun malaat marayus mambaal ra malaat; am maaru' makauyuyu' marayus mampakauyu'. Maaru' ulun motopot marayus mambaal ra motopot; am maaru' ulun mapasau marayus maayag ra mapasau.”

1 SAMUIL 2:1

Kopongo raginio pakiasi' i Ana, “Napakaansuk Tuhan no ra guang kutu; mapara' boo bansuk kutu, sabap ra atan ondo' binaal Nano raki'. Raino kuritin ku pantula' kuno; mapara' boo bansuk kuno sabap ra nangindangan noyo i Aki Kapuuno' no raki'.

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.