MAZMUR 111:9 - Tanou Moonsoi Timugon

⁹ Namayag Io ra ulun Nano, am mambaal ra bantu' ondo' mantilayun risilo. Matulai Io am maikang!

MAZMUR 111:9 ပူးပေါင်းရင်းမြစ်များ

2 SAMUIL 23:5

Koon raginio noyo i Aki Kapuuno' mambarakat ra papag kuno, sabap ra Io nambaal ra nabantuan ondo' mantilayun raki', nabantuan ondo' kalo masulang, bantu' ondo' kalo makulau. Ginio noyo guangon ayuk ru guang kuno; ginio noyo ondo' masauk ra kamanangan kuno, am maaru' i Aki Kapuuno' manugut raginio.

1 TUNUNG RU BANSA' ISRAIL 16:15

Pai' liliani' nabantuan Nano ondo' nasauk koson ra sabubuoi no,

MAZMUR 111:5

Ulun ondo' mangurumat Riso aniin No ra akanon; kalo igondo' Io pampalilian ra bantu' Nano.

MAZMUR 89:7

Kolondo' mokogondo' Rirun, giu' ra limbowon no, iou Tuhan; kolondo' suang ru suruga' pana mokogondo' Rirun.

MAZMUR 99:3

Moonong ulun mongompor ra inggalan Nano ondo' maayo am matulai. Io no matulai!

MAZMUR 99:5

Omporo' noyo Tuhan, i Aki Kapuuno' takau; igugulatur no samba ra saang ru panturungan Nano! Io no matulai!

MAZMUR 99:9

Omporo' noyo Tuhan, i Aki Kapuuno' takau am sambaan Io giu' ra tampak ru bulur Nano ondo' matulai! Tuhan, i Aki Kapuuno' takau ra matulai.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

KAINGKUALAN 15:13

Naningganai Kou ra ulun ondo' binayag Muno, sabap ra gagaya' Muno ra bantu' Muno. Ra ikang Muno ondo' maayo, naningganai Kou risilo mongoi ra tana' Muno ondo' matulai.

JISAYA 44:6

Tuhan ondo' namarinta am mangampin ra Israil, Tuhan Ondo' Maayo Kaga' Kuasa' mindagu, “Aku noyo ondo' kasaa' am ondo' pamupusan, i Aki Kapuuno' rondo'-rondo' no; Suai Raki', kolondo' bokon.

JISAYA 55:3

Rongogo' noyo akau bansa' Kuno, ratong kano Raki', aniin Takamin ra kaayagan moonsoi. Sabap ra togom am gagaya' ondo' binantu' Ku ri Daut, Timbakasanin Ku bantu' mantilayun Kuno ramuyun.

JISAYA 6:3

Ilo ondo' maayag no mampiau ra rondo' am bokon, “Matulai, matulai, matulai! Matulai noyo Tuhan Ondo' Maayo Kaga' Kuasa'! Tana' natikop ra rinatangan Nano ondo' matulai.”

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MALIAKI 2:2

Musiti' kau mangurumat Raki' ra binaal min. Amon ru marara' kau rumongog ra ragu Kuno, ulason Takamin. Ulason Ku ngaangai' ondo' apuon min koson ra barakat. Sotopot no, inulas Ku noyo ngaangai' no sabap ra kalo lioon min susuban Kuno.

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

LUKAS 1:49

Mongompor aku ri Aki Kapuuno' Ondo' Maayo Kaga' Kuasa' sabap ra binaal Nano raki' baal ondo' maatang kaga'. Matulai inggalan Nano.

LUKAS 1:68

“Omporo' takau no i Aki Kapuuno', Tuhan ru ulun ru Israil, sabap ra minatong Io mangindangan am mampalabus ra ulun Nano.

IPISUS 1:14

Ambiluo raginio noyo mapakalansan ritakau ra makaapu toojo ra ngaangai' ondo' binantu' ri Aki Kapuuno', suku' kalabusan ra ulun ondo' mangintopot riso. Sabap raginio, omporo' noyo i Aki Kapuuno' ondo' kolondo' pogondo'!

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

SAGULION 15:15

Karaa' noyo ra galing i akau sinauk ra inulipon giu' ra Misir, am pinalabus kau noyo ru Tuhan i Aki Kapuuno' min. Ginio sabap ra aku manaak ramuyun ra susuban ragitio.

SAGULION 28:58

“Amon ru kalo totopot kau gumagaya' ra ngaangai' susuban ri Aki Kapuuno' ondo' natulisan ralalom ru kitab ti, am kalo mangurumat ra Tuhan i Aki Kapuuno' min ondo' maayo am makaimuag no,

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 9:12

Igondo' ayuk i Kristus minumpos ra Intok Matulai Kaga' ti am ginio sama' ra sabuoi-buoi no. Kalo nagibit Io ra raraa' ru kambing am raraa' ru sapi' gawayan, kaa' inibit No raraa' Nano galama' ondo' nasauk ra puun ru pamayagan mantilayun takau.

PINAINTALANG 4:8

Moonong ru apat ilo ondo' maayag no mokoondo' onom kawo nilo sigagama', ondo' ralimbou am ralalom pana natitip ra mato. Orou-rondom kalo lumonggo' ilo marimbai: “Mapasau, mapasau, mapasau noyo Tuhan, i Aki Kapuuno' Maayo Kaga' Kuasa', ondo' galing i soroi, raino am pupus no pana soroi.”

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.