MAZMUR 111:2 - Tanou Moonsoi Timugon

² Makaimuag toojo atan ondo' binaal ru Tuhan; ngaangai' ulun ondo' maansayan ra atan ondo' binaal Nano imansain no toojo.

MAZMUR 111:2 ပူးပေါင်းရင်းမြစ်များ

AYUP 37:14

Okou Ayup, pongkoror no, am rongog no, urioo' toojo baal-baal maayo ondo' binaal ri Aki Kapuuno'.

AYUP 37:7

Nompolonggo' Io ra kandoi ru ulun, maa' raginio makapandai ilo ra atan ondo' baalon Nano.

AYUP 5:9

Kalo makarati' takau ra binaal maayo ri Aki Kapuuno', am kaimuagan Nano kalo mauntob.

AYUP 9:10

Kalo makarati' takau ra binaal maayo ri Aki Kapuuno', am kaimuagan Nano kalo mauntob.

MAZMUR 104:24

Iou Tuhan, masuang kaga' binangun Muno! matuyu' toojo kandoi nambaalan Muno! tana' napanu' ra nansalinut ondo' maayag ra binaal Muno.

MAZMUR 104:34

Gama' ru rimbai kuno mapabansuk ra guang Nano, sabap ra Io noyo napakaansuk ra guang kuno.

MAZMUR 107:43

Gama' ru ulun mapintar mangkara' ra baal raginio, gama' ru karaan nilo togom ru Tuhan.

MAZMUR 118:15

Rongogo' noyo ralalom kim ru ulun ri Aki Kapuuno' magigindii ra ilo namanang; “Binaal ru Tuhan koson raginio kolondo' mokogondo'!

MAZMUR 139:14

Mongompor aku Rirun sabap ra moonsoi am makaimuag toojo namangunan Muno raki'. Nansalinut binaal Muno makaimuag kaga'. Natutunan ku noyo toojo.

MAZMUR 143:5

Makara' ku orou ra galing; mangkara' aku ra ngaangai' binaal Muli, mangundasa' aku saguli' ra ngaangai' binaal Muli.

AMSAL 17:16

Papalo ayuk ru ulun sasambungon mangai' ra ruit maguyum ra kapintaran, sabap ra iono kolondo' guang.

AMSAL 24:14

koson raginio niayuk ra mapintar moonsoi ra salibuor muno. Amon ru mapintar kou, matawang bayag muno.

MAMPATANOU 3:11

Io noyo nangaru' ra paat ondo' motopot toojo ra ngaangai' baal. Io niayuk ondo' nangani' ritakau ra kasagaan koson makapandai ra paat orou rumatong, kaa' kalo nangani' Io ra karatian intor ra ngaangai' binaal Nano intor ra talimpuun saboi ra pupus.

JISAYA 40:12

Osoi kia makapanuku' ra timug ru raat ondo' suukon ru palar nano, kapoam manuku' ra limbowon mamakai ra dangou? Osoi kia makapanuku' ra tana' mamakai ra sangkir, kapoam manimbang ra bagat ru gunung am bulur mamakai ra timbangan?

DANIL 4:3

“Mapara' kia gayo ru kaimuagan ondo' pinakito ri Aki Kapuuno'! Mapara' kia' gayo ru kaimuagan ondo' binaal Nano! I Aki Kapuuno' noyo raja' ra sabuoi-buoi no; mamarinta Io ra kolondo' pupus.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 8:6

Amon ru pamaguangan ondo' kinuasa' ru paliso ru ulun ayuk, baal raginio mangkinibit ra kapatayan. Kaa' pamaguangan ondo' kinuasa' ru Ambiluo ri Aki Kapuuno' magibit ra kaayagan am pabansayan.

IPISUS 1:19

Am niayuk ra makapandai kau ra mumpara' boo gayo ru kuasa' Nano ondo' mangandoi ra guang takau.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!