MAZMUR 110:2 - Tanou Moonsoi Timugon

² Intor ra Sion, kuasa' ru karajaan muno kalangkaan ru Tuhan. Mindagu Io, “Kuasaa' noyo pantula'-pantula' muno.”

MAZMUR 110:2 ပူးပေါင်းရင်းမြစ်များ

MAZMUR 72:8

Karajaan nano liminangka' intor ra raat mongoi ra raat, intor ra sungoi Iprat saboi ra pompor ru tana'.

KAINGKUALAN 7:19

Indagu Tuhan ri Musa, “Susubo' i Arun mangalap ra jujuga' nano am patutuyo' ra rasawat ru ngaangai' sungoi, babayaan ru timug am kulam ra Misir. Makulau timug sumauk ra raraa', am titikop ru pagun pana makararaa', kaa' niayuk ralalom ru tuung tataun am rarapu' batu.”

KAINGKUALAN 8:5

Indagu Tuhan ri Musa, “Susubo' i Arun mapatutui ra jujuga' nano ra rasawat ru sungoi, babayaan ru timug am kulam maa' raginio mujak antit am mamapak ra titikop ru tana' ru Misir.”

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JIRIMIA 48:17

“Pangulir no ra tayar ru bansa' raginio, mamagun kau ondo' mamaar, akau ngaangai' nakaulig ra inggalan nano. Indagu kano, ‘Kuasa' ru pamarintaan nano tinutuk noyo; katulayan am kaikangan nano pana liminiot noyo.’

YEHEZKIEL 19:14

Tataun ru puun anggur no inakan ru apui, bulisang am kawa' nano nosolob. Bulisang nano kalo boo masauk ra maikang, kalo boo masauk ra jujuga' ru pamarintaan. Gitio noyo rimbai ra manulaboi ondo' rurulion rimbayon ru ulun.

YEHEZKIEL 47:1

Nagibit ungkuyon no raki' sumaguli' ra kulobon subalan ra Baloi ru Tuhan. Nakito ku timug tumilis intor ra ragana' ru kulobon mongoi ra tampilon sirangon, koson ra Baloi ru Tuhan niayuk tumingkuang ra tampilon ra sirangon. Timug no tumilis intor ra ragana' ru guang ru kulobon Baloi ru Tuhan ra tampilon rabugus, mansail ra kiing ru rabugus ru altar.

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

ROMA 1:16

Ginio ra mangintopot aku toojo ra Tanou Moonsoi ti mampakito ra kuasa' ri Aki Kapuuno' mamayag ra ngaangai' ulun ondo' mangintopot ri Jisus, kasaa' ra ulun ru Jaudi am niayuk ra bansa' ra bokon.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.