MAZMUR 109:7 - Tanou Moonsoi Timugon

⁷ Polosoon io akimin am ampos nano makasala io, am pakiasian nano pana karaan ra tula.

MAZMUR 109:7 ပူးပေါင်းရင်းမြစ်များ

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

AMSAL 21:27

Masisang Tuhan no ra taak simbalui ru ulun malaat, mulu' poyo amon ru taak simbalui ra pataakon no mokoondo' kuayan ra malaat.

AMSAL 28:9

Amon ru kalo gumagaya' kau ra ukum, i Aki kapuuno' pana mataman ra pakiasian muno.

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

JISAYA 66:3

Ulun raginio mambaal maya' ra kasagaan ru guang nilo. Pangkaraan nilo manimbalui ra sapi' gawayan nogondo' ayuk ra mampatoi ra ulun koson pataakon koson ra taak simbalui, mapataak ra anak domba kapoam mamandak ra liog ru uku', mapataak ra gandum kapoam raraa' ru bauwi; monolob ra kaminyan kapoam makiasi' ra sinungkalalaing. Masaga' ilo sumamba maya' ra ralan majamol kaga'.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”