MAZMUR 109:25 - Tanou Moonsoi Timugon

²⁵ Paat ra aku makito ru ulun, mangiis ilo raki'; sapipisik ilo saboi liliwa' magasab raki'.

MAZMUR 109:25 ပူးပေါင်းရင်းမြစ်များ

AYUP 16:4

Amon ru akau ti aku, am aku ti boo akau, aku pana makaindagu koson raginio. Mampaliur aku ramuyun ra ragu; am mamisik ra ulu.

MAZMUR 22:8

Ngaangai' ulun magilong raki' manganja' raki'; mangundilai am pampisikon nilo ulu.

JISAYA 37:22

Gitio noyo ragu ru Tuhan, “Bandar Jirusalim mangiis am niayuk magasab rirun, okou Sanirib.

MARKUS 15:29

Ulun-ulun ondo' nansail ra giu' i pisik-pisik ilo nagasab ri Jisus, konilo, “Oi, napasat Kou raino! Masaga' Kou mampalunsai ra Baloi Tuhan am baalon Mu saguli' ralalom talu ngoorou!

ROMA 15:3

Sabap ra sala' ka nangkara' i Kristus ra kaatangan Nano galama', kaa' koson tinulisan ra Buuk Kitab, “Ngaangai' pagasaban ru ulun no Rirun, O Aki Kapuuno', nakatiu' niayuk raki'.”

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

IBRANI 13:13

Sabap raginio, ongoi takano Riso giu' ra liwar ru bandar, kabalu' pana tauyuon takau mabaya' Riso.