MAZMUR 109:18 - Tanou Moonsoi Timugon

¹⁸ Pangkaraan nano magulas no koson ayuk rumalin ra bayang; polosoon ulas nano sumubol ra inan nano koson ra timug sumosop ra inan nano, am sumosop koson ra umau ra ralalom ru bungul-bungul nano.

MAZMUR 109:18 ပူးပေါင်းရင်းမြစ်များ

AYUP 29:14

Timbalos kutu mabanis ra kolondo' jamar; masalok ku paundukon katimpakan.

MAZMUR 109:19

Polosoon noyo ulas no makataub riso koson ra konoon, am masalok rumilit riso koson ra abot.

MAZMUR 73:6

Intor raginio lumimbau ilo, am masalok mambaal ra kalaatan;

UNTABAN 5:22

Timug ondo' maparatong ra ulas ti sumubol ralalom tinai' muno am mapakabung, am niayuk mapakumpis ra tingkuangon muno.” Ruandu' no musiti' tumaam ra, “Mangiou aku, polosoon noyo Tuhan mambaal raginio.”

UNTABAN 5:27

Amon ru liminapau noyo ruandu' no, mangkinibit timug no riso ra marualan kaga'; kumabung tinai' nano am kumumpis tingkuangon nano. Inggalan nano masauk ra ulas ra gino ngai' ru bansa' nano.

MATIUS 26:24

Anak ru Ulun matoi koson ra tinulisan ra Buuk Kitab. Kaa' mumpara' boo lalaat ra ulun ondo' mampataak ra Anak ru Ulun! Mulu' bonsoi ru ulun no ra kalo inanak!”

RINALATAN 1:18

Nambali i Judas ra sampila' tana' ra ruit ondo' naapu no intor ra kalaatan nali. Karatu' am patoi io ra giu' i, suku' tinai' nali naburiak am ngaangai' suang no nakaingkual.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

KOLOSI 3:8

Kaa' raino inggaluri' min noyo paliso ragitio: masasangit, mataki' malasu' guang, guang masisang, ragu magasab am poyo ragu ondo' makauyuyu' iningon.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”