MAZMUR 109:16 - Tanou Moonsoi Timugon

¹⁶ Pantula' kuno kalo igondo' mampaguang ra gumonsoi; mangimbolo' am mampatoi io ra ulun musikin, ondo' naimbolo', am kolondo' lulu'.

MAZMUR 109:16 ပူးပေါင်းရင်းမြစ်များ

KASAUKAN 42:21

am pagindagu ilo ra rondo' am bokon, “Iou makasala takau sabap ra atan ondo' pinamakuan takau ra boborok takali. Nakapandai takano nakimasi' io ritakau kaa' kalo linio takau kabalu' pana naimbolo' io kaga'. Ginio sabap ra itakau ti raino natiu' ra kaimbalaan ti.”

MAZMUR 10:14

Kaa' Okou makakito; ilain Mu kapaganan am kaimbalaan ru ulun, am magail makatampos mangindangan risilo. Ulun ondo' lamuoi pasubakon nilo inan nilono Rirun, sabap ra masalok Kou mangindangan ra ulun ondo' makakapaganan.

MAZMUR 10:2

Limbau ru ulun malaat mangimpai ra ulun musikin; polosoo' ilo majaling ru paninigot nilo galama'.

MAZMUR 34:18

Amon ulun ra motopot mampiau, mangkirongog Tuhan no am mamayag risilo intor ra ngaangai' kapaganan.

MAZMUR 37:14

Ulun malaat mamutus ra ilang am palaguron no tanggayan ru panah koson mamatoi ra ulun musikin am naimbolo', am manginggulu' ra ulun moonsoi;

MAZMUR 37:32

Ulun malaat mongoror ra ulun moonsoi am maguyum ilo ra kaayatan koson mamatoi risilo;

MATIUS 5:7

Pakaansuk noyo ulun ondo' maluoi makaasi' ra ulun ra bokon, sabap ra i Aki Kapuuno' niayuk makaasi' risilo.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.