MAZMUR 109:14 - Tanou Moonsoi Timugon

¹⁴ Polosoon noyo Tuhan mangkara' ra kalaatan ru kinamatuaan nilo, am kalo mangampun ra tula ru ina' nano.

MAZMUR 109:14 ပူးပေါင်းရင်းမြစ်များ

2 SAMUIL 21:1

Paat ra pamarintaan ru Raja' Daut, bitilan ra mapaja' kaga' igondo' nasauk buoi talu ngambilor. Ginio ra pangkuot Raja' Daut ra Tuhan, am taam Tuhan, “Raja' Saul am sasambaloi nano natulaan noyo. Namatoi ilo ra ulun ru Gibion.” (

2 SAMUIL 3:29

Polosoon noyo i Joab am sasambaloi nano ukumin sabap ra binaal nano. Polosoon noyo ralalom ru sasambaloi ri Joab ra papag ka papag masalok mokoondo' ulun ondo' marualan ra maruol mologo, kapoam maimbolo' ra maruol ru kungkung ondo' makalalaa', kapoam ungkuyon ondo' kalo maikang, kapoam ondo' matoi ralalom ru pangayawan kapoam matutusan ra akanon!”

2 RAJA'-RAJA' 11:1

Paat ri Atalya, ina' ru Raja' Agajia, nokorongog ra namatayan ra anak ungkuyon nano, ina' ru raja' no nanusub maa' raginio ngaangai' pabukat ru raja' potoyon.

2 RAJA'-RAJA' 8:27

Raja' Agajia makapabukatan ra sasambaloi ru Raja' Agab sabap ra paguatan no. Makatula niayuk Raja' Agajia ra Tuhan koson ra sasambaloi ru Raja' Agab.

2 RAJA'-RAJA' 9:27

Nakakito Raja' Agajia ra atan ondo' nasauk no. Ginio ra pagiru' io ra kurita' kuda nano minongoi ra tampilon ru bandar Bit-Gagan. Nangilou Raja' Jigu ra Raja' Agajia. “Potoyo' raja' raginio niayuk!” nanusub Raja' Jigu ra ulun nano. Namanah ilo ra Raja' Agajia ra io tatanga' nagiru' ra kurita' kuda nano ralalom pangkiralanan mongoi ra Gur, mamaar ra bandar Jibliam. Kaa' Raja' Agajia nakapagiru' saboi ra Migido am patoi ra giu' no.

NIGIMIA 4:5

Pai' ampuno' kalaatan nilo, am pai' liliani' tula nilo, sabap nagasab ilo noyo ramon ondo' tatanga' mambaal ra timbok ti.”

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 34:7

Suguton Ku bantu' Kuno ra riribu papag, am niayuk mangampun ra kalaatan am tula, kaa' kalo mapalabus Aku ra ulun makasala intor ra ukuman. Mangukum Aku niayuk ra anak am akupu nilo, saboi ra papag ra katalu am ra kaapat, sabap ra tula ru matuo nilo.”

JISAYA 43:25

Kaa' Aku ti i Aki kapuuno' ondo' mangampun ra tula mino, am Aku mambaal koson raginio sabap ginio noyo paliso Kuno. Kalo karaan Ku tula mino.

JIRIMIA 18:23

Kaa' Okou, iou Tuhan, nakapandai ra ngaangai' ondo' inatang nilo koson mamatoi raki'. Pai' noyo iruo' kasalaan nilo am pai' noyo ampuno' tula nilo. Polosoo' noyo ra ilo maala. Guguang ayuk baalon risilo paat ra Okou sumangit.”

IMAMAT 26:39

Santayaran boborok intor ramuyun ondo' lakat poyo maayag giu' ra pagun ru pantula' no maimbolo' sabap ra tula min galama' am tula ru kinamatuaan min.