MAZMUR 109:13 - Tanou Moonsoi Timugon

¹³ Polosoon noyo ngaangai' papag nano mapuso, am inggalan nano lilianin ru anak-anak bagu.

MAZMUR 109:13 ပူးပေါင်းရင်းမြစ်များ

1 RAJA'-RAJA' 16:11

Kasauk ayuk i Jimri ra raja', namatoi io ra ngaangai' sasambaloi ru Raja' Baisa. Moonong pabukat ungkuyon am rangan ru Raja' Ila no pinatoi.

AYUP 18:17

Kalo boo mauligan ilo ra tana' ti; kolondo' boo sangulun pana ondo' mangkara' risilo.

AYUP 18:19

Kolondo' pabukat kapoam anak akupu nilo, am kolondo' boo ondo' maayag giu' ra intok nilo ragili.

MAZMUR 21:10

Rumatong raja' koson ra apui bibilak koson mamuso risilo. Imboloon ilo ru Tuhan paat ra Io sumangit, am apui no mangumpo risilo.

MAZMUR 21:11

Ngaangai' anak nilono potoyon ru raja' no, am pusoon no ngaangai' papag nilono.

MAZMUR 37:28

sabap ra Tuhan masaga' ra ondo' motopot, am kalo manatang ra ulun Nano ondo' gumagaya'. Sindungin No ilo ra sabuoi-buoi no, kaa' sayat ru ulun malaat inggalarin.

AMSAL 10:7

Ulun moonsoi masalok karaan, kaa' ulun malaat mataki' lilianin.

JIRIMIA 22:30

“Ulun no inaru' noyo maa' raginio matatakan ra anak-anak nano am masalok kalo makasugut ralalom ru kaayagan nano. Kolondo' papag nano ondo' mamarinta giu' ra Jiuda koson ra palit ri Daut. Aku, Tuhan nakaindagu noyo.”

UNTABAN 27:4

Kaa' kua kia inggalan nano natatak intor ra ulun ru Israil sabap ra kolondo' anak ungkuyon ayuk? Anii' akai ra tayar ru tana' mababaya' ra pabukat ru ama' maino.”

SAGULION 25:19

Ginio ra paat ra Tuhan i Aki Kapuuno' min mampataak ra tana' no ramuyun, am manaak ramuyun ra kamiaan intor ra ngaangai' pantula' ondo' minayan ra liput no, musiti' min potoyon ngaangai' ulun ru Amalik maa' raginio kolondo' sangulun pana boo mangkara' risilo. Pai' liliani' baal ragitio!”

SAGULION 29:20

Kalo mangampun Tuhan ra ulun koson raginio. Kaa' sangit ru Tuhan ondo' bibilak mangumpo ra ulun no, am ngaangai' karaat ondo' natulisan ralalom ru kitab ti makalumpa' riso saboi mamuso Tuhan lingon riso.

SAGULION 9:14

Pai' kinam manginga' Raki'. Makaguang Aku mamuso risilo maa' raginio kolondo' sangulun pana mangkara' boo risilo. Okou pana saukon Ku ra ama' ru rondo' bansa' ondo' maayo poyo am maikang poyo intor risilo.’

1 SAMUIL 3:13

Nambala' Aku noyo riso ra mangukum Aku ra sasambaloi nano ra mantilayun, sabap ra anak-anak nano nagasab Raki'. Nakapandai i Ili ra binaal nilono, kaa' kalo ininggalaran no ilo.