MAZMUR 108:13 - Tanou Moonsoi Timugon

¹³ Indangano' akai manggal ra pantula', sabap ra indangan ru ulun ti kolondo' onong.

MAZMUR 108:13 ပူးပေါင်းရင်းမြစ်များ

2 TUNUNG RU BANSA' ISRAIL 20:12

Okou no i Aki Kapuuno' mai! Ukumi' noyo ilo, sabap ra kalo maikang akai manggal ra saujor maayo ondo' mamulunsar ramon. Kalo makapandai akai atan musiti' mai baalon, kaa' matong akai Rirun makiindangan.”

MAZMUR 144:1

Mazmur ri Daut. Omporo' noyo Tuhan, manindung raki'! Mangubas Io raki' koson ra mantutura', am mampatampos raki' koson mangayou.

MAZMUR 18:42

Gumolok ilo ra makiindangan, kaa' kolondo' osoi-osoi pana mangindangan risilo; mampiau ilo ra Tuhan, kaa' kalo tumaam Io risilo.

MAZMUR 60:12

Iou Aki Kapuuno', inimpayan Mu noyo kia akai? Kalo kia jumalai Kou mababaya' ra saujor maino?

JISAYA 25:10

Tuhan manindung ra Bulur Sion, kaa' namagun ru Moab kikinjangin koson ra rami kikinjangin giu' ra intok majamol.

JISAYA 63:3

Taam Tuhan, “Nanginjang Aku ra bansa'-bansa' koson ra Aku nanginjang ra kawa' ru anggur. Kolondo' sangulun pana ra ulun Kuno mangindangan Raki'. Nanginjang Aku ra bansa'-bansa' ralalom ru sangit saboi raraa' nilono nampajamol ra bayang Kuno.

ROMA 16:20

Am i Aki Kapuuno', intaran ru ngaangai' kaansayan, mamuso ra kuasa' ru Tingganai ru riwato saboi kumuku' io ramuyun. Gama' ru Tuhan takau i Jisus Kristus mambarakat ramuyun.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

2 KORINTUS 2:14

Kaa' maringkuanang aku ri Aki Kapuuno'! Masalok Io maningganai ramon koson mokoowot ra kamanangan, sabap ra pasimpungan mai ri Kristus. Magibit Io ramon mampabala' ra tanou ri Kristus ra ati ayuk pana, am tanou raginio koson ra owou maamis.

TINGGANAI RU BANSA' 15:8

Io pana namulunsar ra ngaangai' ulun no ra malaat am namatoi ra masuang intor risilo. Kopongo raginio nansibuni io giu' ra luang batu giu' ra bulur batu giu' ra Itam.