MAZMUR 107:14 - Tanou Moonsoi Timugon

¹⁴ Ibiton No ilo mingkual intor ra kalandaman, am bukaton No rantai ondo' namangkil risilo.

MAZMUR 107:14 ပူးပေါင်းရင်းမြစ်များ

AYUP 15:22

Kalo makapangiliu ilo ra kalandaman, sabap ra pampatayan ondo' manangilang mangilou risilo ra moonong kaluagan.

AYUP 15:30

am ilo kalo makalabus intor ra kalandaman. Masauk ilo koson ra puun tataun ondo' raan nano solobon ra apui; pusoon ilo ru paminawo ri Aki Kapuuno'.

AYUP 19:8

Inompong noyo ri Aki Kapuuno' ralan kuno saboi kalo makasail aku; kinolondom No kaga' ralan kuno.

AYUP 3:5

Sauko' noyo orou raginio malaut, am matikop ru kalandaman; taubi' orou raginio ra gaun, am silii' sinda mato ru orou.

AYUP 33:30

maa' raginio makapamayag Io ra ulun, am mangani' ra kaansukan ralalom ru kaayagan nilo.

AYUP 36:8

Kaa' amon ru ulun bangkilon ra rantai basi', am maimbolo' sabap ra binaal nilo galama',

MAZMUR 102:20

Manginduku' Tuhan ra ragana' intor ra intok Nano ra matulai, pulolowon No tana' ti intor ra suruga',

MAZMUR 107:10

Mokoondo' ulun nakasubol ra kalandaman, ulun inaput nabangkil am naimbolo',

MAZMUR 116:16

Ulipon Muno aku, iou Tuhan; koson ri ina' kuli ragili, aku ti pana mangandoi ayuk Rirun. Binayag Mu aku intor ra kapatayan.

MAZMUR 146:7

sungkaan No kaapuan ru ulun inimbolo', am paakanon No ulun naitilan. Tuhan napalabus ra ulun rinakop,

MAZMUR 68:6

I Aki Kapuuno' ondo' minayan ra intok Nano ra matulai, magalung ra anak nailusan ra matuo am manindung ra ulun napuor.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JISAYA 49:9

Ulun ra inaput susubon Ku mingkual; ondo' soroi ra intok molondom ibiton Ku ra intok matawang. Giu' ra bulur nabugasan pana kolondo' kapaganan nilo, gagawar ru ralan pinaatang akanon.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

LUKAS 13:16

Ilai' ruandu' papag ri Abragam ti, binangkil io ru Tingganai ru riwato buoi mopor am balu' ngambilor. Kalo kia bugalon babangkil nano paat ra orou Sabat?”

RINALATAN 5:19

Kaa' rondom ragili, sangulun malaikat ru Tuhan nangukab ra kulobon-kulobon ru lamin pangaputan no, am ibito' no rasul-rasul no miningkual. Indagu malaikat no risilo, kono,

RINALATAN 5:25

Umpos boo sangulun ungkuyon pambala' risilo, kono, “Ulun-ulun ra inaput mini soroi ra Baloi Tuhan raino, am mangila' ilo ra ulun masuang!”

IPISUS 5:8

Gili akau galama' lakat ayuk poyo ra kalandaman, kaa' raino nasauk kano ra ulun mangintopot ra Tuhan, ginio ra kaayag kano ralalom ru sinda.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.